請選擇 進入手機版 | 繼續訪問電腦版

澳門中華詩詞學會

 找回密碼
 申請註冊

掃一掃,訪問微社區

搜索
熱搜: 活動 交友 discuz
樓主: 陋筆

四人大話(短篇故事)

  [複製鏈接]
簡燕棣 發表於 2011-5-27 22:27:01 | 顯示全部樓層
回復 20# 魯筆

老嬸嬸
魯筆 發表於 2011-5-27 22:55:57 | 顯示全部樓層
本帖最後由 魯筆 於 2011-5-28 00:03 編輯

話說有一回.日本有堪稱中國通楹聯大師 [大八格] 來訪張某.把酒論詩文中.張先請
[大]出句."果老厚皮難搣殼".
張某對:"陽衰末日快歸山".[大]甚感沒趣.
今回張某親自送上門.[大]定當報仇.禮貌上也先讓張某先出句.張卻先提出規矩:"如[大]對的好.願為[大]辦私事一樁.如對不好.[大]要送日本最出名嘅好嘢一件." [大]欣然答允.
張曰:"張果老老面皮.不如兄長你". [大]苦思片刻.中文無法對.用日語新韻
喃喃自語:"大八格格也路....."結果無法對.祇得乖乖送上藥物"無比膏".
鄭公子 發表於 2011-5-27 23:39:59 | 顯示全部樓層
燕棣出來講故事,好好聽,不過聽佢講野千祈小心,有件事我始終耿耿於懷。
實不相瞞,燕棣係在下同窗共硯師弟,當年一起受業於石先生,那天師哥整蠱老師的過程,佢都親眼見,後來高材生師哥因此事被先生逐出門牆,我地則讀到畢業。
一別幾十年,師哥在什麼地方呢?以佢既資質,極可能做到好高職位,唔通效法光明右使范遙,潛伏係澳門中華詩詞網站呢D機構?
不理他了。在下和燕棣撈左幾十年算係似模似樣,師弟沒執煙蒂,在下向來公子美男,畢業初期更風度翩翩迷死不少女同學。燕棣見我無所適從,話要介紹一個登對既畀我,一片好心,點知嬲佢到咿家都係呢單野。
佢份人,深得乃師真傳,乜都要合襯,以下對精景對聯,就係佢講畀我聽既:
嶺頂鷹鳴酩酊兵丁停梃聽;山間雁返懶散蠻番挽彈彈。
相信好多人聽過,不過我當時寫個服字。既然咁識好對,一定給俊男找來美女,唔係就不是燕棣性格,所以好放心畀佢搵。
點知相睇之後,走夾唔抖。
燕棣話「你係公子美男,最登對既唔係婆媽醜女係邊個?」
坐係面前呢個就係了,真係大整蠱。
魯筆 發表於 2011-5-28 00:12:08 | 顯示全部樓層
燕棣出來講故事,好好聽,不過聽佢講野千祈小心,有件事我始終耿耿於懷。
實不相瞞,燕棣係在下同窗共硯師 ...
鄭公子 發表於 2011-5-27 23:39



    豈有情郎無愛妾
   偏逢狹路對冤家?
 樓主| 陋筆 發表於 2011-5-28 00:41:08 | 顯示全部樓層
燕棣出來講故事,好好聽,不過聽佢講野千祈小心,有件事我始終耿耿於懷。
實不相瞞,燕棣係在下同窗共硯師 ...
鄭公子 發表於 2011-5-27 23:39



呵呵...............真人真事....改編!
咁咪仲好,如果鄭公子而家有家室,就真係要多謝燕棣冇好介紹囉,
但係如果鄭公子而家仲係孤家寡人,都真係要多謝燕棣冇介紹囉.
 樓主| 陋筆 發表於 2011-5-28 00:44:54 | 顯示全部樓層
日本人都識對聯,真係有呀,陋筆就聽過呢個古仔.......


秦過株同武麥穗都自稱係猛人之後,
秦過株話佢係秦檜一脈,而武麥穗就話佢係武三思九十世孫,
兩條友自命文才出眾,可以比得上佢地先祖,
但係就從來唔會同中國文人交手.無他,怕貨比貨.
佢地口口聲聲話喺華人裡面已經搵唔到對手,
要去外國踢館至顯得出身價,第一站先去日本喎.
兩條茂理去到日本,四圍搵邊度有日本人識對聯.
終於,喺條橫街度見到有個招牌寫住(天道聯盟),
秦過株同武麥穗講:
踏破鐵鞋無覓處,呢間聯社,改個咁o既名,鑿到咁大,啱晒我地入去踢館,揚名立萬.
武麥穗話:當仁不讓,秦兄,我上先.
入去冇耐,武麥穗一仆一碌走番出嚟,嘢都講唔到,淨係話:...好...利害...
秦過株當下拍吓心口,就話:等我去會下佢.
唔夠五分鐘,秦過株走夾唔抖標番出嚟,面青青咁話:
嘩!死o架仔好惡喎,走遲d都俾佢炳鑊金,不過,條友對聯又真係好犀利.
武麥穗就話:咪係,我出咗一句,連老祖宗都托埋出嚟,佢一口就對咗.
秦過株話:唔知佢係咪嫌我地水平低呢,對完之後仲好似好勞氣咁.契弟走得魔呀.
武麥穗就問:你係咪個出句唔啱聽呀.
秦過株跟住講:唔係卦,不過,邊有對得咁快呀,佢連諗都唔駛諗呀,係呢,你出邊句呀?
武麥穗就話:三思朝服,嘩,條日本仔即刻就對.....八戒綺羅.咁你呢?
秦過株就話:我出--蒼鷹海豹,佢就馬上大聲對--白鴿野驢.
鄭公子 發表於 2011-5-28 01:19:41 | 顯示全部樓層
回復 26# 陋筆

騎騎閂電腦,即刻又開番。
匆匆忘退出,盞鬼把聲單。
魯筆 發表於 2011-5-28 08:10:50 | 顯示全部樓層
本帖最後由 魯筆 於 2011-9-27 20:21 編輯
日本人都識對聯,真係有呀,陋筆就聽過呢個古仔.......


秦過株同武麥穗都自稱係猛人之後,
秦過株話佢係秦檜 ...
陋筆 發表於 2011-5-28 00:44



    話說 [蠢過豬] 和 [冇墨水]二人.被蘿蔔頭(鬧)"八格呀路".兩人重係懵懵然.祇知人哋嬲.唔知嬲乜.為乜嬲.人嘀咕嘀咕.嘀嘀咕咕.此時有兩個日籍華人經過.聽到有曰華語者喜出望外.意為他鄉遇故知.格外熱情向株麥二人握手問好.自我介紹"鄙朱錦春"."在下麥毛瑞.方才聽得兩不知所謂何事".株麥將前後後前如此這般的說了一番.朱毛二人不懂楹聯.祇知(鬧)乜.於是乎學株墨.扮八股.搖頭晃腦.搖搖晃晃.之乎者也咁細說端詳:八戒綺羅者白鴿野驢也.音不同者鄉音異也.兩者意謂之八格呀路也.八格呀路其本意乃痛罵昔日之中國八路軍也.久而久之約定成滾他媽的王八蛋也."此時四人四身四首搖搖晃晃.不覺引來大伙群聚........
 樓主| 陋筆 發表於 2011-5-28 10:36:07 | 顯示全部樓層
八月十五是中秋,有人快樂有人愁.
普天同慶o既日子,有邊個愁呢?
之唔係陋筆囉,因為陋筆o既研究報告踢爆左嫦娥私隱,
仲破解咗點解d人叫屁股做八月十五之謎.
愁,係因為怕嫦娥嚟尋仇,咁就大劑.
份報告係咁o既...............
后羿嫦娥,夫妻不和,悶足十載,終於發傻.
嫦娥終日無所事事,個腦都實晒仲有少少失憶,唯有睇下中國文學,
做d筆記打發時間,佢寫左d字辭解釋o係本筆記度.
陽曆十二月二十二-------------冬
農曆一月頭至三月尾-----------春
老作家陋筆個真名-------------軒
山東省的簡稱-----------------魯
蒙恬發明的書寫工具-----------筆
.....................
...................
點知有日佢偷聽到后羿話八月十五果日,研製長生不老藥就大功告成,
於是嫦娥就計劃偷藥著草,仲諗住走路去月球,咁后羿就搵唔到佢啦.
由於佢無記性,又驚俾后羿知道佢o係月殿落腳,
所以佢o係筆記最後一頁度寫住:
八月十五-------------臀
用呢個方法提醒自己八月十五果日要偷藥,上月球,結果佢成功左.
但係佢果本筆記就輾轉落到民間,d學者見到筆記度前面所有解釋都o岩,
最尾呢個斷估都冇錯,咁就認為八月十五可以解釋作為patpat啦.
鄭公子 發表於 2011-5-28 11:36:27 | 顯示全部樓層
回復 29# 陋筆

呢隻古仔,大家千祈唔好信。
第個講可以,陋筆講就有問題。
原來佢個真名叫做軒,又自稱老作,已經話左畀大家聽佢講既係乜野。
佢做邊行呢?他干什麼的?
車丫馬。
試問車天車地D人講既野可信嗎?
 樓主| 陋筆 發表於 2011-5-28 12:23:04 | 顯示全部樓層
鄭公子咁講,陋筆拿拿臨去摷有關倉頡造字o既嘢,搵唔到,
後來竟然喺(許混) o既(拙文怪字)裡面有所發現.
入面咁講:軒,干車,專門干胡說勾當的人,又軒,一十中三,只可信三成.
噓!.........還好,比信義城城主朱義盛好d,佢!
信二成.......都死!
鄭公子 發表於 2011-5-28 22:36:06 | 顯示全部樓層
魯版主應該開句聲了,呢個大話,應該走去佢既射圃講好d,雖然從未去過個邊,因為知道老虎地雷箭矢滿佈,但由得佢將呢d野帶過來,以後冇覺好訓咯,昨晚半夜起身對對就寫到不知所謂。
聽陋筆咁講,似乎呢個古仔仲有三成可信。當然單憑一兩個字推測我亦不能完全否定,現在到小心求證的時候了。
嫦娥姐姐係我地尊敬愛慕同情既夢中人,你話佢會寫個臀字提醒自己嗎?
字本身冇乜唔妥,身體部分也無所謂粗俗,問題出在,佢點知上邊有宮殿?
陋筆係想話畀人聽,嫦娥姐姐係背叛后羿私奔既,佢早就知道情人在月亮上邊起好宮室準備雙宿雙棲。正是:
如果車兄非說謊,娥姊勾佬今暴光。處心積慮偷靈藥,八月中秋赴約忙。
一早收埋張紙仔,寫低臀字免遺忘。消息已通月有殿,新成金屋會吳剛。
如此抹黑夢中人,你地相信嗎?
欲知八月十五同patpat既掌故,打開魯版主既【〔月羅〕柚】文啦!
魯筆 發表於 2011-5-29 07:19:26 | 顯示全部樓層
本帖最後由 魯筆 於 2011-5-29 09:03 編輯
魯版主應該開句聲了,呢個大話,應該走去佢既射圃講好d,雖然從未去過個邊,因為知道老虎地雷箭矢滿佈,但 ...
鄭公子 發表於 2011-5-28 22:36



    回公子話:鄙太忙.遲晒大到.SORRY!!現自罰短文奉上.請
諸位笑納!!
魯筆 發表於 2011-5-29 08:47:08 | 顯示全部樓層
本帖最後由 魯筆 於 2011-5-30 13:14 編輯

話說婦娥帶同心愛之寵物小白兔"紅棉"飛奔上了月宮.與奸夫吳剛曖昧同居.后羿初時氣沖牛斗.七竅生煙.用微波傳音.聲言三天之內.嫦娥不返.要把最後一箭.射爆月光.

第三天清晨.收到玉兔"紅棉"(紅棉受仙風靈氣已成仙)發電報乙份:"前姐夫:您好!今日正值良辰吉日.姐姐(汝前妻)[喜喜]宴定於月光蟾宮.今與不算新的新姑爺吳剛奉子成親.敬酌.申時恭候.戌時入席.順付上新姑爺引用柳先開詩句:

熟讀天下九州賦

吟通海內五湖詩

月中丹桂連根拔

不許旁人折半枝
紅棉(君之心儀者玉兔):謹呈".

后羿氣急敗壞.劍拔弩張.非即射不可之狀.后羿長兄前羿即勸阻.指住電文最後幾字 "君之心儀".真令后羿頓生情念.火氣全消.即覆電文"(先付倫文敍詩句):

飛身奮躍上瑤臺

正值天門大打開

偶遇廣寒宮未閉

敢將明月抱回來    吾為紅棉.生死度外".

傍晚時分.仙樂飄飄.好一曲大團圓:

月光光.照地塘

嫦娥女.嫁新郎

新郎哥.吳剛哥

紅棉心急迎后羿

迫不及待去銀河

二人一見相擁抱

我的紅棉我的哥

情投意合笑呵呵

簡燕棣 發表於 2011-5-29 18:39:38 | 顯示全部樓層
本帖最後由 簡燕棣 於 2011-5-31 19:32 編輯

回復 15# 陋筆



半裸加1分,睇怕今次可加2分再+威望10 .....呵呵...呵呵呵



google.com.au

本帖子中包含更多資源

您需要 登錄 才可以下載或查看,沒有賬號?申請註冊

x
魯筆 發表於 2011-5-29 20:34:16 | 顯示全部樓層
回復  陋筆

一半加1分,睇怕今次可加2分再+威望10 .....呵呵...呵呵呵

google.com.au ...
簡燕棣 發表於 2011-5-29 18:39


頭大君子相
口大食四關
龍睛神氣足
此是半唐番
鄭公子 發表於 2011-5-29 21:29:06 | 顯示全部樓層
回復 34# 魯筆

只見天門大打開,
公侯將相此中來。
雖然明月常親近,
忘記親娘太不該。
魯筆 發表於 2011-5-29 21:44:24 | 顯示全部樓層
本帖最後由 魯筆 於 2011-5-30 13:44 編輯
回復  魯筆

只見天門大打開,
公侯將相此中來。
雖然明月常親近,
忘記親娘太不該。 ...
鄭公子 發表於 2011-5-29 21:29


閣下所寫之 "天門"令鄙想起倫文敍童年衝口而出的詩句:
先生放學我回來
一見天門大打開
自古帝王從此出
探花榜眼狀元才
魯筆 發表於 2011-5-30 18:48:47 | 顯示全部樓層


身光兼頸靚
脫穎出孃胎
龍睛加虎口
將是過江材
鄭公子 發表於 2011-5-30 21:01:05 | 顯示全部樓層
本帖最後由 鄭公子 於 2011-5-31 05:59 編輯
話說婦娥帶同心愛之寵物小白兔"紅棉"飛奔上了月宮.與奸夫吳剛曖昧同居.后羿初時氣沖牛斗.七竅生煙.用微波傳 ...
魯筆 發表於 2011-5-29 08:47


日日忙筵席,歸家又一天。
復沉淪孽網,更氣煞嬋娟。
文會虛巴閉,私情險拆穿。
四人講大話,啞子食黃蓮。

同聲始相應,同氣方咬弦。
損友無誠信,奸徒乏孝賢。
竟來屈后羿,殊不直紅棉。
兩筆休招惹,關機早睡眠。


呵呵,呵呵......
您需要登錄後才可以回帖 登錄 | 申請註冊

本版積分規則

小黑屋|手機版|澳門中華詩詞學會

GMT+8, 2024-2-28 21:40

Powered by Discuz! X3.4

Copyright © 2001-2021, Tencent Cloud.

快速回復 返回頂部 返回列表