請選擇 進入手機版 | 繼續訪問電腦版

澳門中華詩詞學會

 找回密碼
 申請註冊

掃一掃,訪問微社區

搜索
熱搜: 活動 交友 discuz
查看: 6591|回復: 50

四人大話(短篇故事)

  [複製鏈接]
陋筆 發表於 2011-5-26 16:31:55 | 顯示全部樓層 |閱讀模式
開個topic叫四人大話,喺邊四個大家心知肚明,
寫d短篇故事上嚟吹下,乜都得.先寫為敬!
 樓主| 陋筆 發表於 2011-5-26 16:35:45 | 顯示全部樓層
本帖最後由 陋筆 於 2011-5-26 20:18 編輯

low b八九歲果陣小時了了,o係街撞到個騎呢亞伯o係度玩緊啤牌,
low b埋去俾佢呃左兩毫子,之後佢同low b講~~~~~~~~~~
亞伯:細路,見你科銀咁爽手,阿伯醒番兩o野你啦,呢四隻乜o野o黎呀?
low b:四隻queen.
亞伯:queen係皇后,咁你知唔知係邊四個皇后呀?
low b:咁呀,英國,荷蘭,丹麥,都有女皇,仲有......呀,埃及妖后.
亞伯:錯,佢地四個其實都係中國女人黎o架.
low b:呃鬼咩,個個都鬼頭鬼相,點會係中國女人喎.
亞伯:呢個叫小昭,佢係波斯聖女,離開中國明教番去波斯就封左后,
     不過佢老豆韓sir係中國藉,雖則鬼鬼地但都係中國人.
low b:以為係小說咋喎.
亞伯:呢個係慈禧太后,佢係旗下人,女真族仲係近俄羅斯果隻.
low b:唔係喎亞伯,見過慈禧幅相,佢扁口扁面仲鞋抽果喎.
亞伯:你有所不知啦,慈禧後生果陣成個鬼妹仔黎o架,不過後來垂簾聽政,
       要扮老正咯,咪成日拉長塊面,久而久之咪搞成咁囉.
low b:咁又係喎.
亞伯:拿,呢個就係文成公主啦,.
low b:哦,和番果個.咦,佢純正中國人喎.
亞伯:不過佢嫁左松贊干布呢,食左佢d口水尾多囉,食食下就變埋夫妻相啦,
       咪咁o既樣囉.佢都係王后o黎丫馬.
low b:嘩,咁都得呀,咁最後呢個呢?
亞伯:王昭君.
low b:唔係下話,亞伯,王昭君未嫁去匈奴就死咗囉喎,正宗中國人,
        又唔係皇后,有冇老點呀!
亞伯:聽埋先啦,王昭君o係民間選妃果陣冇跌俾毛延壽,
       條友咪畫到佢個樣鬼五馬六囉,個皇帝見幅畫鬼頭鬼相,
       就諗住送佢去匈奴整古下個匈奴王都好o架,又點知王昭君
          一個唔該跳左落河,結果個使者咪交幅鬼畫符過佢就算了事,
       撞啱個匈奴王又咁長情,見畫如見人喎,仲要封死鬼王昭君為后添,
        就係咁印埋落副啤牌度啦.
low b:唔....係.....下......話.........
魯筆 發表於 2011-5-26 18:49:36 | 顯示全部樓層
本帖最後由 魯筆 於 2011-5-26 23:17 編輯
low b八九歲果陣小時了了,o係街撞到個騎呢亞伯o係度玩緊啤牌,
low b埋去俾佢呃左兩毫子,之後佢同low b講~~~ ...
陋筆 發表於 2011-5-26 16:35


以相聲形式講古仔.可謂別開生面.別出心裁.別具一格.
精彩!!拜讀!!謝謝!!恭請
陋版有空繼續講!!  
簡燕棣 發表於 2011-5-26 19:49:00 | 顯示全部樓層
回復 2# 陋筆

一出馬果然犀利!
鄭公子 發表於 2011-5-26 21:50:00 | 顯示全部樓層
原來四條queen咁多野睇,搞到我即刻要摷番副啤出來點相,居然摷到我副珍藏,仲有五十四條queen添,大鬼係螺祖,一路數落去,到最後一隻階磚king係婉容。至於名實相符的四條queen是呂后(葵扇)、馮小憐(紅心)、花蕊夫人(梅花)、珍妃(階磚),副啤叫做「歷代皇后高級扑克」,見過未?
簡燕棣 發表於 2011-5-26 22:02:02 | 顯示全部樓層
回復 5# 鄭公子


    一笑相傾國便亡,何勞荊棘始堪傷?
  小憐玉體橫陳夜,已報周師入晉陽。
鄭公子 發表於 2011-5-26 22:38:28 | 顯示全部樓層
回復 6# 簡燕棣

告急軍書夜半来,開場弦管又相催。
瀋陽已陷休回顧,更抱佳人舞几回。
魯筆 發表於 2011-5-26 23:06:46 | 顯示全部樓層
本帖最後由 魯筆 於 2011-5-26 23:37 編輯
回復  陋筆

一出馬果然犀利!
簡燕棣 發表於 2011-5-26 19:49



    開場白都咁好嘢.更多更好嘅嘢陸續有蒞.請啦!
魯筆 發表於 2011-5-26 23:14:41 | 顯示全部樓層
本帖最後由 魯筆 於 2011-5-27 07:33 編輯
原來四條queen咁多野睇,搞到我即刻要摷番副啤出來點相,居然摷到我副珍藏,仲有五十四條queen添,大鬼係螺 ...
鄭公子 發表於 2011-5-26 21:50



    未見過.聽
閣下一講.好想一見.請呀!
 樓主| 陋筆 發表於 2011-5-27 00:11:03 | 顯示全部樓層
呵呵.........聽古,大家唔好嫌陋筆口水多過茶就得嘞.
講到口水多過茶,點解唔係口水多過酒,口水多過浪呢?
有段古...........
就喺一條村,叫隔籬村果度,有個自命才子o既人之患,
條友鍾意吟詩作對,乜都對一餐,但係就好求其,聯律都未搞得掂.
有日佢喉嚨痛,走去睇中醫,咁啱個大夫亦係玩呢科.
一傾開對聯就收唔到聲........
老師:今日真高興,見到知心友,仲係好對手,對番兩對好喎.
大夫:奉陪,奉陪,唔客氣囉,我出先---望聞問切.
老師諗一諗,就對:構寫謄交.
大夫一時諗唔通,問係乜嘢意思.
老師話:係呀,就係叫學生作文,先構思好然後寫,謄文之後就交卷囉.
大夫心諗:咁都得,點教書呀,呢個時候,老師就出句嘞.
老師:通書皇曆能卜雨.
大夫:荊芥薄荷可驅風.
行家一出手,就知有沒有,老師見大夫對得似模似樣,就再出一句.
老師:才從疏裡學
大夫:病向淺中醫
老師心諗,自己研究咁耐仲係老師,唔係唔夠個江湖郎中揮下話,整劑佢嘆.
老師:求醫多早死.
大夫:識教少先生.
大夫明知老師玩嘢,都唔客氣囉.老師又一次唔夠人嚟,當當咳咗兩聲.
大夫先至想起,條友係嚟睇病個喎,顧客至上,擒擒青就把把脈先.
一摸脈門,見佢脈博有異,而且口氣都好大o下,明顯係好熱氣.
就口o翕 o翕咁話:心火烈于酒.
老師一聽到,就以為係出句,呢勻諗到點對,仲唔威番一鑊,
於是大大聲對:口水多過茶!
大夫以為老師條氣唔順,話佢多聲氣,就收咗嗲,執藥收錢就拜拜,
後來同人講開,都話老師嫌佢口水多過茶,整吓人人都係咁講,變咗俗語囉.
嫣燒雲 發表於 2011-5-27 01:09:36 | 顯示全部樓層
好鍾意睇呢d古仔  陋筆寫既好好睇
唔知叫做乜野呢@@
可惜我胸無點墨 淨係可以睇-v-"

評分

參與人數 1威望 +1 收起 理由
陋筆 + 1

查看全部評分

鄭公子 發表於 2011-5-27 07:43:19 | 顯示全部樓層
真係好好睇。仲有粉絲鼓勵(陋版一定已經登左廣告),作唔到都要抄番段:

話說有私塾啟蒙老師石先生者,某日坐館授徒,講授對聯法,時春光明媚,石先生心情大好
望教室窗外屋頂,得一上比,屬諸生對:
「貓坐貓頭瓦」
中有一生,見窗外群雞啄食花叢間,靈感忽至,起立對曰:
「雞啄雞冠花」
先生不悅,斥之:花應對草樹之類,豈可對瓦,應以砂磚等同類字方算工整!
生乃頭耷耷坐番低。
時群雞吵鬧不已,先生厭煩,拾牆角一棄磚投擲之,一雞中磚斃,先生復聯興大發,搖頭擺腦,出上比曰:
「細羽家禽磚後死」
得先生教誨,剛才該生已開茅塞,呢次工整矣,應聲曰:
「粗毛野獸石先生」
魯筆 發表於 2011-5-27 07:47:58 | 顯示全部樓層
本帖最後由 魯筆 於 2011-5-27 07:49 編輯

熱烈歡迎 [嫣燒雲] 詞長
蒞臨澳門中華詩詞論壇!!!!!!!!!!!!
魯筆 發表於 2011-5-27 08:23:17 | 顯示全部樓層
本帖最後由 魯筆 於 2011-5-27 13:21 編輯

看官此時一定覺得太精彩.心情一定好興奮.激動到想拍爛手掌.
[口戒] [皮斥] 喉嚨.且慢!老朽深知
(陋版)老闆
鄭公子此祇是鋒芒稍露.重有兩翼插刀嘅高手
簡兄.蕭邦個孫個孫蕭十一郎未出場呀.好嘢陸續有雷驚呀.怕真要拍時手痛到想拍拍唔到就唔好啦.講到 "兩翼插刀" 祇係謬誤.原本係 "兩議岔道".有段古.留番第日講.
請呀!!
232---232156123..2----茶蚌茶蚌......茶茶....的.的的蚌.....(請續古仔)
                 . .
 樓主| 陋筆 發表於 2011-5-27 12:27:54 | 顯示全部樓層
好鍾意睇呢d古仔  陋筆寫既好好睇
唔知叫做乜野呢@@
可惜我胸無點墨 淨係可以睇-v-" ...
嫣燒雲 發表於 2011-5-27 01:09



歡迎嫣燒雲光臨澳門中華詩詞學會網站.
好囉!多個人嚟睇,好過得我地四條麻甩咁齋.
既然係第一個看客,咁就要俾1分做紀念囉.
多謝支持!
 樓主| 陋筆 發表於 2011-5-27 12:30:45 | 顯示全部樓層
真係好好睇。仲有粉絲鼓勵(陋版一定已經登左廣告),作唔到都要抄番段:

鄭公子 發表於 2011-5-27 07:43


多謝鄭公子!
中國其實有好多呢類型古仔,有好多過癮到不得了,
鄭公子自己老鑿又好,覺得好嘢搬d過嚟都好,
等大家得啖笑就ok囉.
簡燕棣 發表於 2011-5-27 12:39:09 | 顯示全部樓層
呵呵!呵呵呵!(老師獨特笑聲)

老師不單對聯了得,原來寫文章也别具風格,學生真要好好的向你學習了。
簡燕棣 發表於 2011-5-27 13:35:22 | 顯示全部樓層
本帖最後由 簡燕棣 於 2011-5-27 22:26 編輯

      土名稱的來源,後面總是有一段小故事。當某事以常理不過去,人們就會將之歸於仙人仙法,大概這就是人比神仙更聰明吧!
            
青島附近的嶗山生有一種非喬非灌的小樹,樹幹長得不粗,通體都是像疤痕一樣的節。走過用力搖搖它,樹幹顫顫悠悠不彎。人們就地取材把它做成拐杖,名叫
〝嶗山棍〞。

相傳有這樣的一首歌謠。

嶗山棍兒滿身疤,
疤摞疤,麻摞麻
老人拄着好回家。

當年八仙過海,由嶗山起步。張果老是騎驢兒來的,他從崑崙山騎到嶗山太清宮張坡的地方,總共有一萬多里,於是他把驢兒拴在一棵小樹上,卻忘記給驢兒餵點糧草,驢兒飢饑到不能忍受,就張起嘴吧小樹的皮吃,得小樹一直在叫痛:「好痛呀好
痛!」張果老聽見了就安慰小樹:「我要走啦,等我到瀛取<無比膏>回來你療傷吧。」

怎料
張果老 一去就三年,小樹每天都在哭著唱:「左三年呀又三年,什麽膏也不見你的面.....。」  

六年的漫漫月過了,張果老果然回來啦!,並帶了
東瀛的<無比膏>為他敷傷口。可是小樹傷口好了卻長得一身疤痕,幸好小樹身體变得越來越結實。

google.com.au

弊啦,原來<無比膏>係嬸嬸指定用來止癢的,並非止痛的......張果老果然沒改錯名,人家叫「痛」他卻聽到叫
「癢」啊!

本帖子中包含更多資源

您需要 登錄 才可以下載或查看,沒有賬號?申請註冊

x
簡燕棣 發表於 2011-5-27 13:57:11 | 顯示全部樓層
回復 12# 鄭公子


  好精彩!
魯筆 發表於 2011-5-27 22:17:33 | 顯示全部樓層
土產名稱的來源,後面總是有一段小故事。當某事以常理說不過去,人們就會將之歸於仙人仙法,大概這就 ...
簡燕棣 發表於 2011-5-27 13:35



    看官須知此藥膏乃張果老贏取之.箇中底蘊還須細說端詳.......
您需要登錄後才可以回帖 登錄 | 申請註冊

本版積分規則

小黑屋|手機版|澳門中華詩詞學會

GMT+8, 2024-2-28 19:50

Powered by Discuz! X3.4

Copyright © 2001-2021, Tencent Cloud.

快速回復 返回頂部 返回列表