<<長話短說>>(爆私隱)

(爆私隱)

我爆少少私隱啦.我老婆自從生完第三胎之後就要我以後做廳長.何其殘忍.佢話保持距離對大家身體上.精神上都有好處喎.睇下點?

唔够一個禮拜.我就好唔扂.廳嘅一面向馬路.機車聲.汽車聲.喧嘩聲響成一片.廳嘅另一面隔離屋.電視音響聲.無病呻吟聲.更令我雖無觸景.卻也生情.輾轉反側.徹夜難眠.搞到我思想複雜化.經常唔係想呢樣就想嗰樣.有時想到妻良可愛.可憐淒涼.自己都想唔通唔知想點.想下想下又瞓入.瞓下瞓下又寣(音:扎) 醒.搞到經常臨天光就要起身.老婆叫我乾脆去晨運.對大家身體上.精神上都有好處喎.

夫妻本和睦.恩愛不同牀.天公多作弄.認真係荒唐

哎!! 冇覺好瞓同冇噉好食真係同病相憐咯!

捱咗幾呀年.被生活壓迫到成個人幾乎乜品都冇嗮.

例:窮到幾乎冇嗮骨氣.慶幸重有丁屎咁多.

          幾乎冇嗮人性.慶幸重有丁屎咁多.

          幾乎冇嗮良知.慶幸重有丁屎咁多.

後生越要面.面皮越薄.老來面子冇嗮.面皮就厚嗮.少時君子.現時偽君子吾也.

回復 1# 魯筆

男人臭定女兒香，思郎一曲夜未央。

山盟海誓多花樣，怎料語語成斷腸。

昔日桂英便懸樑，今朝女性倍堅強。

職業女性兼父當，尋偶再穿嫁衣裳。

翻查個案富士康，能不令人淚汪汪，

自殺數據食住上，男比女多確淒涼。

男人最怕出洋相，養家護弱為份糧。

積壓在心雖惆悵，装成威風更鏗鏘。

明暸現今社會況，兩伴相依似蜜糖。

人人心胸無山障，海闊天空任飛翔。

勿使小事雪加霜，有情怎可用斗量。

惡語出前應思諒，輕責勸諫功表揚，

人際關係如市場，知其所需共參詳。

天道有情心先曠，地上鴛鴦天鳳凰。(順口流)

雄兔脚樸朔,雌兔眼迷离;双兔傍地走,安能辨我是雄雌

          google.com.images

閱魯筆一文大喜，即時持報賢內助，圖記一功。

伊人但淡然一笑： 「我好識規矩，你話比人聽，我認為男人至大晒。」

所以讀魯筆兄此文，雖極有同感，但絕不能代入，因為佢頭先至話男人是大晒的。

閱此文大喜，即時持報賢內助，圖記一功。

伊人但淡然一笑： 「我好識規矩，你話比人聽，我認為男人至大晒 ...
簡燕棣 發表於 2011-4-11 07:37

尊夫人真賢內助
君之福也.羨慕也.

回復 4# 魯筆


   

雄兔脚樸朔,雌兔眼迷离;双兔傍地走,安能辨我是雄雌。

固此不必理會太多...

理得佢雄定雌啦！前日悉尼上演粵劇折子戲
「幻覺離恨天」；演寶玉個過係香港靚女藝青雲。

回復 4# 魯筆

那麼......說到賢.....妻.....嘛......

    goolge.com.images
嬌小玲瓏貌花容，唱做唸打樣樣通。
一舉黄牌我肅靜，愛佢愛到飯煲濃。

回復  魯筆

那麼......說到賢.....妻.....嘛......

    goolge.com.images
嬌小玲瓏貌花容，唱做唸打樣 ...
簡燕棣 發表於 2011-4-11 12:03

    老婆有咁正.任佢大晒都值得啦