[唊三唊四]酒中語

廣州話趣

一孖(音:媽)：一雙。一對。一[口披]。兩（隻/個/。。）

孖生：孿生
孖胎：雙胞（胎）

（謔）孖襟：（兩男同婦）

（父子）孖襟：聚麀（音：休）。（父子同婦）

孖蒸：雙蒸。酘

（喻）孖煙筒：（齊腳短筒內褲）

（喻）孖公仔：（二人出相入對）

打孖：打雙。打沓
打孖嚟：起雙飛

孖鋪：（兩人同牀）

妻：你著孖煙筒唔准 同我孖鋪
夫：我可以乜都唔著
妻：你想得美。你做廳長啦

廣州話趣 23.1.3

死字於字典有注解者。粵語都有。在下説的是粵語有而國語鮮有之意。例：
死要面：太要臉
死開：滾開
（謔）死火：糟糕
死黨：老（朋）友
死都唔肯：堅決不肯
死啦你：去你的
死畀佢睇：跟他沒完
同佢死過：跟他拼到底
抵死：*該渨。該死。活該      
         *有趣. 趣緻. 得意                *寧死 (不屈)
抵死：（謔稱：第四）
例：佢周不時同人作懟。真抵死（真該死）

香港才子黃霑先生周不時講嘢都暗藏春意。似俗而不傷大雅。
既令人有咀嚼英華之回味。亦令人捧腹大笑。真抵死（真風趣）

抳個公仔又會笑。又會叫。真抵死（真有趣）

周不時：經常
抳個：這個
公仔：洋娃娃

睇死：看扁
欴（音狼）死：大貪
爛死平：太低價
食死貓：啞巴虧
鬼死咁衰：好鬼死衰 (太壞了)
鬼死咁甜：好鬼死甜 (太甜了)
鬼死咁開心
鬼死咁靚
鬼死咁樣衰（貌太醜）
鬼死咁痛
鬼死咁慘
鬼死咁快
鬼死咁慢 。。。。。。。。。

妻：老公。阿仔嘅老師話後日見家長
夫：我唔識講嘢你去啦
妻：追我嗰時你咁識啗死人。死咁慇懃。你唔識講嘢。我就唔會咁死惷。被你呃成世啦
夫：(無言)
妻：你詐聾呀。好鬼死衰嘅你
夫：聽到你講國際語言啦
妻：乜嘢國際呀
夫：全世界女人都話自己死惷。畀老公呃成世啦

詒奅
幾呀年前。跟隨公司去中山旅行。參觀孫中山紀念舘（當時在紫馬嶺）
館內有講孫文科舉不第。展示其部份科舉作品。當時有笑話如果孫文高中就唔會有辛亥革命。清朝可活多幾年
幾年後跟旅行團重遊。展舘不再提科舉之事

孫文到日本時改名中山
孫文到處游説華僑募捐資助革命費用。後被廣東華僑謔稱孫大炮。意思是説他滿口謊言

言語之大炮
正寫詒（音大）奅（音炮）
詒奅：*謊言      *誇言
            *許下承諾不兌現
例：我臨別澳門去臺灣前。友人笑話就快打啦。你唔怕咩
我笑答：無論導彈
原子彈我通通接住。
接唔到我用腳踹熄佢

以上亦屬詒奅之言

偶閱網文之烏反哺。與余幼所聽之大不同。吾知者：
有農夫母子相依。高齡老母日日送午飯到田。每遭兒喝駡太遲之理。更甚者動粗。
習以為常。
有日晌午。母遲遲未至。大怒。舉目見小鴉啣蟲餵老鴉。近有羔羊跪歠乳。被此烏反哺。羊跪乳而感動。身為人而不及禽畜。觸發良心。
此時遠見母踉蹌前來。心想盡快攙扶老娘。豈料老母見子趨前必是盛怒。生怕加倍毒打。驚懼致腿腝而躀倒。兒至母亡。抱之大哭。悲淚成紅。氣絶身亡。鄉民予之稱孝子。奉為地方神

謙卑與低調。不少人常説。漸漸成了半似口號式
真正的謙卑和低調是有身份而不顯露的助人為人
有功於人而不䛫諹。不邀功。更不以此求優待

普通的.閒時不足以論謙卑和低調

謙卑與低調乃修為之一。當想通一切榮耀與機會皆上天賜也。換言之能力亦然。宗教稱之上帝所賜。已無可恃驕。無傲之有

無神論者認為一切功績屬自身努力成果。亦可低調。修為好則令戒驕戒躁

有教授認為中國幾大名樓名在有名詩.互為輝映.更名上加名

乍聽甚是.乍想耶穌的馬槽無詩無宏無美.甚有名

想《陋室銘》山不在高有仙則靈

結合言之.名樓必留名詩.實至名歸
出名人之處必靈.靈必有名.是上帝擇靈地讓名人出於靈地

名人所到之處必有名
名人身邊之人.物皆有名
皆藉名人之名而沾光而昇價

之前睇好幾個《詠鵝》視頻.撥字讀音都係國語第一聲(平聲）：波

沉日睇到一個《詠鵝》.撥字國語讀音伯.難遇正音令我超高興

撥字本音應屬仄聲.近代人將唔少仄聲字編作平聲.讀文章及平常用語絕對冇問題.讀古詩詞就感覺將一首非常好詩詞讀壞.意思雖冇變而音壞引致全篇失去美感

睇：看
係：是
沉日：昨天
唔少：不少
冇：沒

淺談粵語對臀之雅稱

粵語與所有地方語言都俱有文稚同粗劣.例：
臀部.粵語又稱之八月十五.此名來自臀字拆解作詼諧稱謂
臀字上殿下肉.諧趣曲解下月.月殿即廣寒宮.代表月.月誕於八月十五.十五月正圓.臀近似圓.故將臀形象雅稱八月十五

臀部另一雅稱（月羅） (月由）(近似音:luō yóu)
(月羅)(月由）取名自柚(子).廣東稱椂(音:轆)柚.取之諧音.音型皆形象兼雅

臀有超粗俗之稱謂屁股.因人人慣稱已久.子曰：如入鮑魚之肆.久而不聞其臭.亦與之化矣

1962大偷渡
偷渡往港兩路.坐船或艇叫屈蛇.帶領者稱蛇頭
屈蛇：船近海防.偷渡者須藏身於船倉暗格
走山路叫著草
兩路皆冒著生命危險
帶備老虎屎走百里山路千百轉.將近邊防綫最關鍵.(軍犬聞虎屎不入草林）須潛伏至半夜.邊防換哨時候快速趴行穿越鐵絲網.分分鐘失敗大有人在.失敗者被軍犬咬.有可能遠距離被槍射殺
屈蛇者船近邊防先藏身隱於小島暗處.等半夜退潮即速走(大多數蛇頭有買通邊防.所以成功率半數以上）

偷渡往澳門者兩路
走前山(近拱北）同樣帶虎屎
走南屏(近灣仔）距澳門水路最窄處最危險.易失敗.邊防換哨空檔時間半個鐘.此時能游過半海則幸運過關.否則.警告無效即槍殺

有一真實笑話
有獨行偷渡者夜到前山.繼續向燈火最多處行進.到大白天發覺是香洲（當年澳門唔靚）

再續偷渡潮
初次偷渡者大多數有人帶路.先交部份帶路費.事成再交尾數
偷渡人太多.成為偷渡潮.自然會有多個大大小小偷渡集團帶領
分別分批安排及分佈多個不同時間.不同越境地點及人數控制
水路一旦失手.集團所有人棄船潛逃.成船偷渡客被拖上岸押解回鄉

陸路集團兼賣老虎屎(十幾圓一火柴盒）.紅藥水.硼帶等等防跌傷之類藥品.亦有唔少人自備
偷渡者男女老少.大肚婆.跛腳……都有.唯太老同帶病老人都被集團拒受
當中單身貌美女青年可能會被集團骨幹輪姦或以金銀玉器再被洗劫代辱

接近邊防是最關鍵最緊張時刻.所有嬰兒先戴口罩.有啲臨時餵安眠藥.有啲為防止嬰兒哭而長按嘴氣窒死亡.有啲一個嬰兒哭聲被邊防軍喝令全部人走出被捕.慘況無奇不有

經過長途跋涉.翻山越嶺.跳溪澗.過艻林.避蛇蟲.餵毒蚊.緊張關頭冒著危險.一個乞嗤(噴嚏)全軍覆沒.前功盡廢
(邊防遇著廣東哨兵.多數網開三面.廣西湖南及沿海一带人在此當哨兵會網開一面.
唯蒙古人最精明嚴明.少少風吹草動都要追查.偷渡客遇著蒙古兵九死一生（難免失敗）

被解回鄉即揪上高臺審判.遊街示眾.輕則資産階級敗類.重則投敵賣國.一頂頂有形無實莫須有高帽張冠李戴.一條條有實無形鎖鏈加倍綑綁.令失敗者更加再接再勵再發港澳夢

成功到埗者由蛇頭安排藏匿.分別打電話(香港)各親友帶贖金取貨.此時此刻.艱辛歷程.驚心一刻總算過了一關.親人相見.悲喜交雜.哭聲笑聲亂成一片

成功者回望捨不得的家鄉.流出一串串辭親淚水.自言自語：老媽子.我會返嚟睇你㗎.你要保……….
欲言難再說.悲哭不成聲.涕淚縱橫.無不慯感

鄧伯伯話：過去大陸人偷渡出香港.不久的將來香港人會偷渡回國
現在
因生活偷渡出境零.因犯罪偷渡出境少
因犯罪偷渡入境少.因生活偷渡入境零
因工作出入境都多
因生活天天多次出入境更多多

鶴神 : 噩神. 林秀音(韓湘子妻)
                姜太公封神當日.所有未封之得道高人.天下靈界眾生
                立即紛紛趕赴現場聽封.
                林秀音沐浴中.韓湘子衝進房不由分說拖著名譽妻子趕去聽封
                一路上林秀音光著身.要名譽丈夫脫外袍遮體
                韓湘子欲脫之時已聽到姜太公叫林秀音名字
                林秀音祇得厚著臉皮聽封.姜太公見非禮之狀即封予鶴神

                年年通書皆注年初一二鶴神方位
                警示凡人新年第一次出門向鶴神方向稱之撞鶴神.長年不利
                民間流行撞鶴神一語.意為見到壞人.壞家伙.衰人.衰嘢
                見到不想見的人都統稱撞鶴神

網上有（鬧）人鄙語：草他媽
此草字意思：肏（音操）（國語粗鄙語）性交也.此網語真妄語也

國語之娶妻.老廣府話稱之草妻.又稱之草老婆.此草者草草也.冇條件擇耦而隨緣娶之爲草妻也.属謙卑雅語.國語難取代之

廣府話於廿世紀中期仍保留大量古漢語.由於大量廣東文人由古至今心向國語.假稱粤語祇属坊言.難融入大眾.冇人賞識.自己人都唔重視母語.嚸可以怪外省人鄙視粤語？（粤語日趨國語化）真正係

仗義每當屠狗輩.捨身少有讀書人

（鬧）人：駡人

今朝喺教會.牧師啱開始講道
有蜘蛛仔喺我額上躝
即刻想出一句
蜘蛛爬額上.即惗到蛛叫喜子
即吟第二句.喜自上天來
即有第三句.不是黄金路
第四句？一時惗唔出.眯埋眼
惗下惗下瞓著咗
瞓瞓下矇矓中聽到羅一聲
寣(音:扎)醒咗.再聽係
羅亞上山頂剫(音:鬥)方舟
即刻惗到抳隻方舟係當時
世上最大嘅巨輪
整抳隻大船工程大材料多工時長
唔可以喺山腳整
為怕船殼未完洪水到就麻煩
上山整必須舉家搬上山頂住
再就地取材.未惗嗮就唱散㑹歌
今朝惗嘢多過聽道

蜘蛛爬額上
喜自上天來
不是黄金夢
佳人讚鄙才

今朝聽高傳道講道
忽然聽到漢字衹有一個愛字
立即精神.再聽箇中究竟
佢話：
希臘文有三個愛字
Agape : （神人間無條件之愛）
Phileo : （愛世人.高尚之愛.與中國先秦墨子之兼愛大同)               
Eros    : （求私慾低俗之愛）

再淺談漢字之愛字
愛和爱本同一字
讀音與義同
一直有唔少人將爱愛兩字在
字形上有心與無心大做文章
在字典上無異
以字形意義上
有心愛無心爱
雖不全合理.亦不無道理
適從尊便.不再置評

愛爱本同字
拆解羲不同
有心愛似恶反
恶反即不恶
不恶可為愛也

無心之爱似亚友
亚友即次友
次友即不夠友
充其名朋也.何愛之有

話說.有帥哥一表斯文經過
見我檔口寫測字
有意無意間坐下
有氣無力叫測字曰：愛
見其表情低落.欠心情也
我將之話中
愛字改爱字測曰：心有事而不成

帥哥隨即禍盆託出女方嫌三：
一）窮。      二）交談無趣味
三）事事被動

問如何挽救
答曰：若真有緣必有體諒與包容
既嫌三必再有嫌四.無緣也
既無緣挽之無益.不必苦求
大丈夫何患無妻.也罷

帥哥問何時遇有緣人
求測字曰：愛
此回我以有心愛告之
……………………

沉晚一覺瞓到大天光.真慡
沉晚開頭一直失眠到差唔多四點半.連去兩次.第三次順口講一句雖不雅而有趣：失眠多上廁
跟住上牀閉目再惗下句
失眠多上廁.失眠多……失……
見到一個鄉里笑我
“肚飽飯有沙”
之後到今朝六點十個字（6：50）醒咗再惗“肚飽飯有沙”雖然唔啱對.但係畀咗一個靈感.即時對上
肚飽不臨廚.覺得肚字唔啱.改
飽食不臨廚

老朽成世惷人無妙計.總係用嗮屎坑計同埋利用夢中計.所以導致大失敗.本該學霸王一了百了.但係面皮同劉邦一様鬼死咁厚.哎

面皮三尺厚
任笑不知羞
劉邦成大器
老朽樹頭踎

沉晚發咗個亂七八糟怪夢
醒咗之後再老作

有人對政制唔滿而常發牢騷
官府卻奈佢唔何
近日憑牝雞一文斷正.將之揬監.即審
執刑前問其心願
犯人謂之欲徛於墾丁海岸
大隊人馬將之由北押至南
犯人到塲立而不跪.仰天長笑
曰：子彈比賤軀價更高
況有一干人為我送行.夫復何求
辛苦你哋嚹

連續多日
飯後閒言皆此語.茶時悄話盡新聞

甲：抳兜友真乃古之金聖歎
乙：祇略有小才.不足相比
甲：才雖不及.傲氣如虹.good
乙：性懆必弊.祇爭朝夕
甲：留得青山在
乙：No.此言差矣.青山永固使乜兄留
甲：留者保也
乙：嚸解要保
甲：青山若被他人霸
乙：缘水資源更勝山
甲：何意？
乙：無題

徛（音企）：站立
揬監：入獄

往大陸或臺灣生活超過兩年嘅港澳人
所講粤語有其音而基本國語化名稱
大失粤語風味.例：
豉湭稱醬湭.肥（膩）稱好油
重加好講還好…………多不勝數

其實廣府話在性質上有細微之分
例：豉湭與醬湭
慣寫油.[廣州語本字]寫湭
竊以為湭更合
豉湭醬湭俗稱同一物.非也
醬湭以甜為主而少鹹
（亦有鹹味醬湭.其味死鹹難食）
豉湭大致分兩大類
老抽生抽.生抽分兩大類
頭抽二抽.三抽即老抽
生抽鹹多略帶微甜故覺鮮味可口
老抽似醬油甜多鹹少而有别
老抽甜不及醬湭之大甜
老抽生抽各有妙用
炆用老抽.其它多用生抽

如果坊言(口語)用正音會顯得怪怪
（部份）例：
賣魚佬有鯹氣.鯹字正音：星
上司稱阿頭.    頭字正音：投
唔使你.            使字正音：史
騎馬                 騎字正音：奇
油油：油漆     油油正音：游游
協                     協字正音（第六聲）

使用嘅使字.咿家好多人講(史)用
多數係喺外地生活幾年以上或文化界人仕
一向講白話嘅老人九成都係講（洗）用

有視屏講魯迅支持用拼音代漢字
并諹言漢字不滅國必亡
為何此人無論詩作與文章全是漢字而無拼音代漢字？心非口是非君子