[唊三唊四]人睇人

人睇人.遇到覺得似某某.會多睇兩眼.遇到似曾相識.亦會多睇兩眼.遇到樣貌有啲怪怪.又會多睇兩眼.見到順眼又會多睇兩眼.見到兇神惡煞.連睇半眼都心怯膽寒.以上一切現象非常正常.但係.
詩句中少見有寫男睇女嘅情形.
女睇男之記載真有.例有詩為證：
花街紅粉女.爭看綠衣郎
文句亦有記擲菓盈車.講及潘安一旦出街.哄動全城大小老幼女士們.唔止圍觀咁簡單.大把小姐爭著獻花.獻菓.送唔到就將花菓隔遠掟入馬車.一時間成車㮜滿嗮花菓.馬車變成花菓山.
慘得過潘安太靚仔
另一個重慘.名叫衞介.靚到被大把女士圍觀至當即病咗.返到屋圻幾日死咗.
有一兜友寫文章㔹到文采會飛.搞到成個洛陽城紙張賣到貴嗮.都係人人爭著抄佢嘅文章.但係此公貌太醜陋.廣府話謂之樣倠(音衰).衰到一出街被人圍住掟到成車磚頭石仔
太靚仔又慘.太樣倠又慘.都係慘在女士們恏色引起
近代有追星一族都係白癡女去追.
換言之.由古至今有記載女人貪睇男人.冇記載男人貪睇女人
但係.雖然冇記載男貪睇.而有記載男貪色.重要係爬牆越軌.竊玉偷香.欴過華秀只狗

欴(音狼)

「天下萬物生於有，有生於無。」
至於怎樣生法，留待生物學家、宇宙學家解答。宗教還是解決不了問題，創造是第一因，怎樣創造，亦即怎樣生法，於是又有所謂「自然神」，即係無神。

鄭公子 發表於 2017-12-1 15:17
「天下萬物生於有，有生於無。」
至於怎樣生法，留待生物學家、宇宙學家解答。宗教還是解決不了問題，創造 ...

謝謝鄭公子解釋!!

神係你，鬼係你，人先至係你。

簡燕棣 發表於 2017-12-6 11:02
神係你，鬼係你，人先至係你。

神係你，鬼係你.有兩類
一種人可稱為 : 二五仔.
二五仔屬鬼頭仔.內鬼.內奸也.

另一種屬兩頭蛇.
兩頭蛇分好壞.
好則可為和事老
壞則可為幫倒忙之二架樑.

二架樑分好壞

我是否在其內.不自知

今天下午，簡小姐答版主時，在下恰好在旁恭聽伊之高論，願作解人焉。
句中之「你」，非特指某人，意謂神鬼皆人為，神也者，鬼也者，無非人耳。用與神鬼對話的方式表達：
「說你是神也好，說你是鬼也好，你終歸是人吧了！」
簡小姐告余以日前偶翻殷海光譯海耶克著《到奴隸之路》一書，有感譯者序言中幾句話，故有此語。至於是什麼話，因涉及宗教，恐觸犯網規，不便具引云云。

2016-5-25 16:15 編輯


[ 離休感語 ]
今日係我真正告退工療.喜似脫繮無䌙管.沒羈猴馬任蹦馳.
有錢人用金盤洗手.老朽窮.唔可以盤滿缽滿大洗.祇可裝半兜水慳著洗.
入職工療初感.滿堂多美女.如在大觀園.魯筆何所似.劉姥菊花圓.
老朽假假地都係任職倌級.雜務倌.莫道愚人無本事.張張不利周身刀.
唔經唔覺任職六年.老朽經常犯法.犯何法?目無法紀.唔請示領導.唔經領導批示.隨便扱埋架鋞穿堂入舍.到處亂搞一通.連廁所都唔錯過.就臨別一刻.見女廁冇人.乘人不備.乘虛而入.無機可搞搞門鎖.正話搞到㷫烚烚.竟然有女人唔知趁㷫抑或趁慶.來者不善.來勢洶洶衝入座.呢個女人如此舉動.有如非禮我.值得唱唔值得吟.可惜我鍾意吟唔鍾意唱.一文不值.兩樣皆慳.不過惗落又唔怪得佢.要怪怪自己太渺小.難免他人視而不見.
老朽冇業績.冇功績.冇汗出有糧出.慙愧得嚟爽.爽得嚟慙愧.唏噓也!!
冇業績.冇功績.冇汗出有糧出大有人在.我之㞚(音:濕)碎皮毛又何愧之有?但問高職高薪高官有何高見?
意想不到.臨別最後一刻.上級領導為我同另一同時辭事同事開席.雖非滿漢.而係好看.何止好看.最重要唔使口䉺䉺.梁主任請大家食蛋糕.有人食糕又跌糕.糟糕?唔糟糕.多謝佢哋歡送我哋go!go!go!
我呢份工錢太少.工夫太少.工時太少.責任太少.晴天太閑.雨天太煩.留與走.皆大不煩.
離別有情傷.難捨眾姑娘.隨時能見面.有食即登場.拜!!

本帖最後由 魯筆 於 2017-12-13 20:12 編輯

近日收到網訊 : (大略)現造成可造愛機械人.形同美人.幾可亂真

管見人類將全亡.
同可造愛機械人一齊.可任意.隨意.滿意.有樂無喜怒.比與真人同居更好千倍.
可造愛機械人初售.極少人可得.愈多產愈價廉愈多人得.則愈少人婚.愈來愈少人.

今人不想多生.會愈來愈少人.
愈來愈多同性結婚.會愈來愈少人.

由芸芸眾生變為稀有珍人.直至絕種

將來是複製人和機械人天下
將來是複製人和機械人大戰

本帖最後由 魯筆 於 2014-10-20 13:45 編輯
[澳門的士]

閒聊中順道澳門最近熱話的士違規.有友同感.怨聲多多.老朽語無論此.
因老朽打的少.從未遇不良司機.暗喜.
竊以為.無良司機他日外遊.若遇好心人.應自慚.若遇不良司機.應無怨.

2010-4-19
<<批評大吃大喝的大賽>>

不少集團.食肆商人為提高業續.大搞噱頭.本來不錯.但是.也有錯的.
例如 : 啤酒廠搞啤酒勁飲大賽.危害他人身體.
         麭類公司搞大食賽.暴殄天物.
要提高業績.提高名氣.不錯.但用以上手法大錯.如果將物品捐出.同樣有巨大推動力.
功不可沒.一舉幾得.何樂而不為?

2010-5-18
<<說謊>>

大多數家長和老師會教小孩別說謊.絕大多數小孩不說謊.好.
(以下所說的都是對正常的成年人講).

但是絕大多數人都有說謊.有一小撮人經常說謊.(例如職業騙子)
大多數人說謊是有目的(有意或故意的).大多數的目的.是損人利已.
有的謊言是為了安慰他人而說的.此屬美麗的謊言.
另一類謊言可以說是無目的.不經心.隨便說的謊言.此屬敷衍的謊言.
(例如:路上打招呼.正當用膳時間.對方問吃過飯未.而自己本未吃而很自然的答:吃了")
其實凡是不傷害他人的謊言雖說無礙他人.但經常說.說多了不但不能安慰別人.
自已的誠信有受損.
凡是不傷害他人而為保護自身安全的謊言可以說.
為了安慰他人而說的美麗謊言可說.都是要在有真正需要時說.

2011-6-2
<<搶救地球的建議>>

建議所有樓頂.車廂頂裝反光板.把光反射上天.可減低全球暖化.減慢冰川融化.
活動反光板平時保持水平面.颱風或雪天可收.

有人話:所反射的熱無法走出大氣層.改變不了氣溫
拙見:起碼減少地球直接受熱.
電視講:冰川反射陽光.有助減溫

2011-12-6
<<煲老藕與掏古井>>

粵語的 "煲老藕與掏古井".意為忘年戀或忘年"戀".
有人認為煲老藕即掏古井.拙見有所不同:
煲老藕 : "藕" 是一枝枝.粵語謂一碌碌.
             "煲老藕" 應是年輕女士與老頭關係.
掏古井 : *應是年輕男士與老婦關係.
            *為謀取年長人的財物而 "愛" 在一起的行為.

2012-10-21
無釐頭

閒聊中.有聞老粵語“無釐頭”乃[周星馳]創.簡直氣煞旁人.老朽所知.六十年前至今.經常有人講“無釐頭”.老朽敢直言.說“無釐頭”是[周星馳]創者之人.真“無釐頭”也.

2014-6

父親節由來:
世界日報-2014年6月5日分享
世界上第一個父親節，於1910年誕生美國，是一位叫杜德的夫人為紀念她獨自一人撫養六名子女成長後辛勞成疾、病倒辭世的父親而提出並推動。
按照西方習俗，每年六月份的第三个星期日，为父亲節。

本人喜歡并擁戴臺灣式每年8月8日爸爸節.好記.

“世上只有媽媽好” .難道子子孫孫都不親爹?哎…………

2016-8-23
性教育

日前.同我其中一位師傅閒聊中提到性教育.二人意見不一.
師傅問裸像是否藝術品.在下當時錯答.正確答案應是是非好劣皆有之.

<<香港電視播性教育言談點滴>>
(以下是憑記憶的大致內容)
主持 : 小孩問自己從何而來.好多大人都會搪塞.
專家 : 不應搪塞.應坦言告知.是父母恩愛.將男性器官擺在女性器官.
          將精子射入母體受孕……….
個見 : (假設在此提問)如果小孩再問性器官如何擺法.如何射精.
          是否都要直言相告?
本人可能思想太舊.無法接受以上言談.荒謬!!
所有與性有關的罪犯并非對異性好奇而致.
時代越開放.與性有關的罪案越多.更非對異性好奇而致.

<<性教育與傳統禮教>>
”性”不良現象風氣危害越來越大.社會上多年長期不斷推行性教育.但是不但沒有善.
而且越來越年輕化.所有造成不道德行為主因:
一 傳統道德禮教(忠.孝.仁.禮.義.廉.恥).長期不重視.不傳頌.疏於教.如長久失修的
   (道德)堤圍.不堪被西方放淫開放的不良風氣.不良的洪流一攻即破.
二 傳統道德禮教意識薄弱.不重羞恥.少修德行.追求性自由開放.好奇并非主因.
      為何中式傳統道德禮教到現今還有殘留.因為.讓人人懂禮.義.廉.恥.很有存在價值.
      祇有用廉恥道德禮制才能真正有效教育大眾自制自律.為何現今沒人倡議恢復禮教.
     因為執牛耳者皆盲目崇洋者.所有不道德行為也祇有讓其泛濫也.
三 政府推行的性教育雖正面.但涉及”性”知識更易令人從另一角度聯想.”矚境生情”.
     如同”色”刋物無異.性教育適得其反矣. 無論正反的性教育都是有害.

2016-9-9
論 "反省" "反思"

久未聞有言"反省".有聞"反思".今時人無錯?未必!!
將"反思"當"反省"用乎?若是者則錯!!
"反思"可想好/壞.可想自身或他人.想到有錯.未必改.
"反思"祇與 "回想"同義.
"反省"祇思己過.且能改必改.
"反省" "反思"勿誤.

2017-6-10
[粗言穢語]

籠統講.粗言.穢語也.細究則有小異.
有些穢語在適當時候講.可令更興奮激情.

穢語屬最鄙劣語.不便細表.意會也罷.

粗言若非情緒激烈而流露.屬俗語之口頭闡.多數涉及男性器官.諧音 "九七""叔侄"之類.
此類粗言有多種功用.其中有吵罵.有閒聊.........都有助強化語氣之用.

諧音九七之粗言有多次演變.早期用 "周"代之.例: 唔周睬你
上世紀中.(約5幾年).用 "齁"代之.例: 唔齁睬你
"周""齁"音近 "九"."周""齁"似乎好少少.
(約6幾年).用 "Q"代之.例: 唔Q睬你
桌球棍又稱波棍.又稱 "Q".意近 "九七"."Q"似乎好少少.
上世紀末.用 "叉" "×"代之.例: 唔叉睬你

雖 "周" "齁" "Q"都比 "九七"好一點.但遠不及用 "叉" "×" "鬼"字代得好.
例 : 唔鬼睬你..........唔叉睬你.........

用 "叉" "×"  "鬼"字趁上之粗口.可算粗口類之雅言矣.

2017-7-9
淺談同性戀

同性戀應否合法化.眾說紛紜.亦有地區雜然相許.立為合法.
以下管見淺談同性戀.
同性戀古有之.字典有注 "㚻":《字彙補》居希切，音飢。《楊氏·正韻箋》律有姦罪條，將男作女。
搞㚻(音:基).男同性戀稱龍陽之癖.斷袖分桃.女同性戀稱 "雷絲邊".
無論同性戀或異性戀.有共同目的.建立家庭.解決需要.
同性戀及異性戀不同目的在於有不同需要.同性戀祇解決性需要.不需要繁殖.異性戀需要繁殖後代.
異性結合符合繁衍.同性結合有利控制繁衍.
若該地區出現人口嚴重老化.不應同性戀合法化.
若該地區出現人口太膨脹.且不算嚴重老化.同性戀合法化值得慎重考慮

2017-7-26
女人乜都鍾意香香聲

各位好!
今次咁沙塵.學人毛遂自薦走上蒞.又嗺乜水呀?試下學講爛gat gat啦.
例如:有婦女節.冇男人節.唔公平.但係所有男人都冇意見.唔係男人大方.因為好多人手停口停.乜節都冇鬼用.
得一樣有折好過冇折.就係買嘢.如果老板話五九折.聽唔明就會開心到笑.聽得明嘅-------------
唔開心都會笑.
例如:叫蛤乸唔叫蛤公.所以劏蛤乸唔劏蛤公.唔成問題.
(鬧)老虎乸唔(鬧)老虎公.呢下(鬧)得好------------ 唔好呢.
男人腳叫臭腳.如果男人腳有個香字.梗係香港腳..
女人腳有個香字就好哋哋.叫香弓.弓箭個弓.又叫美腿.玉腿.即係話.女人嘅肉好似玉石嘅玉.又白又滑.點解女人嘅肉比男人滑呢.因為粗重嘅嘢.我哋男人做晒.
例如擔擔托托.我哋做晒.有啲女人話:"喺鄉下.擔嘢都係女人多啲.托嘢就多數係男人".
托.除咗用力.重要有技巧.最起碼要識轉膊.叻嘅重識缷膊添.有骨氣嘅寧願托石唔托大腳.搏上位嘅有皮篋唔托托大腳.砂膽嘅托塔.癲佬托天.男人做到身水身汗.開口有話:"蒙古佬打仔.大汗沓細汗".
男人嘅汗叫臭汗.女人嘅汗叫香汗.有道理.因為多數女人搽香水.臭汗都變香汗.叫慣咗.唔香都話香啦.明明乳臭.偏要叫乳香.明明托愁腮.偏要叫托香腮.女人嘅座駕叫香車.生勾勾嘅女人閨房叫香居.香鬼咗食香女人嘅香居叫香塚.總之女人乜都鍾意香香聲.
男女結婚.又叫珠聯璧合.男人係璧.女人係珠.珍珠個珠.唔係豬兜個豬.
女人人見人愛.男人見人愛人.男人愛心比女人多.女人祇係愛屋企人.呢啲叫偏愛.男人連其他人都愛.叫兼愛.兼愛比偏愛更有愛心.有啲女人可能會話.愛心加開心.鞕係多多都愛啦.咁講就唔啱嚹.
我講嘅愛係關心.唔係花心.講到花心.的確係男人專利.
講到心多就非女人莫屬.你下下聽佢話.佢話你冇主見.做乜鬼男人唧.
你問少佢半句.佢話你自把自為.唔尊重佢.
你做嘢快手啲.佢話你粗手粗腳.你細心啲做.佢話你姐手姐腳.
你越係唶住佢.佢越係食住你.
咿家生女好過生仔.
做女人好過做男人.
做人老婆好過做人老公.
有人會問:"咁有心得.係未講自己呀?"係好唔係好啦.講下啫.