請選擇 進入手機版 | 繼續訪問電腦版

澳門中華詩詞學會

 找回密碼
 申請註冊

掃一掃,訪問微社區

搜索
熱搜: 活動 交友 discuz
12
返回列表 發新帖
樓主: 魯筆

[相聲集](無題)

[複製鏈接]
 樓主| 魯筆 發表於 2023-2-9 17:49:39 | 顯示全部樓層
《太忙》

甲 : 有乜嘢詞句形容工作太忙
乙 : 做到踢嗮腳
甲 : 唔算
乙 : 做到甩嗮轆
甲 : 㸃解
乙 : 即係相當開快車.快到車轆都脱落.够嗮忙啦
甲 : 未算
乙 : 做到得閒死唔得閒病
甲 : 未算
乙 : 咁你話嘞
甲 : 做到落(音賴)褲.都唔得閒抽呀
乙 : 唔止忙,重(音仲)够嗮慘添
 樓主| 魯筆 發表於 2023-2-20 10:17:49 | 顯示全部樓層
(2022.3.8)
甲 : 老友記.做乜沉日唔見
      你出席呀
乙 : 前日食錯嘢.出席恐防
      羞煞我.虛恭不斷
      笑死人
甲 : 好心你唔好扮有文化
      啦.講嗮啲無釐頭嘅嘢
       嘥鬼氣
乙 : 我話食錯嘢.頻頻放屁.
      唔想失禮人就唔出席
甲 : 咿家有虚嗎
乙 :虚到唔虚啦
甲 :沉日有兩成人冇出席
乙 :點解
甲 :有啲冇帶手機.唔畀入.
       有啲有手機冇寬頻
       信號.唔畀入
乙 :請守門口工作人員
       幫手連線就得啦
甲 :佢個係舊式老人電話
乙 :瀕臨絶種手機
甲 :有啲去到門口.
       因為冇打針唔畀入
乙 :抳個唔係人嘅問題
甲 :係疫情帶嚟嘅麻煩
乙 :我有次搭巴士都有麻
       煩
甲 :點麻煩
乙 :去到車站
甲 :有車就上
乙 :上唔到
甲 :何解
乙 :冇囗罩
甲 :即刻去買啦
乙 :先耖手袋搵下先
甲 :醒目
乙 :搵到
甲 :即戴上
乙 :唔戴得
甲 :何解
乙 :係幫老婆新買嘅罩
甲 :事急馬行田.帶咗先啦
乙 :唔係口罩呀
甲 :打雙戴.加強版
乙 :走去買啦
甲 :藥房多多.冇問題
乙 :向前行咗幾間都冇
甲 :再行
乙 :唔行
甲 :點解
乙 :發覺我下巴有口罩
甲 :嘥鬼氣
乙 :去到站跟住見車邌
甲 :就上
乙 :上唔到
甲 :點解
乙 :老婆電召返屋圻
甲 :唔使問阿貴。返屋圻
乙 :返到樓下見老婆面
       青青
甲 :何事驚青
乙 :老婆話唔見咗BB
甲 :咁大劑?
乙 :本來好閑
甲 :唔見咗BB話好閒?
乙 :佢個BB通街有得賣
甲 :你講錯定係我聽錯
乙 :佢叫個銀包仔做BB
甲 :唓
乙 :有錢㗎
甲 :過萬?
乙 :幾個硬幣
甲 :唓
乙 :(欲哭)最緊要有
       張中咗七千萬
       六合彩票呀
甲 :疫情有六合彩咩
乙 :講笑啫
 樓主| 魯筆 發表於 2023-5-12 20:15:27 | 顯示全部樓層
(無題)
甲:好羡慕你有咁好嘅嫂夫人
我:佢唔好.我當年就唔會
甲:搏嗮命咁死纏爛打咁追啦
我:惗翻轉頭都(牙)齴過剃頭
甲:嚸解你重要咁花心想遞個呢
我:抳件我又好鍾意
甲:假如你嫂夫人唔嫁你.你為邊個痛苦得最痛呢
我:兩件都一様痛
甲:凡是都有主次㗎
我:冇主次
甲:你老婆一等一好.重咁花心
我:點解你成日讚我老婆好
甲:大把人讚啵
我:其他人我唔理.你係我老死就唔得
甲:你懷念人哋就得.嚸解我唔可以懷念呀
我:你懷念我老婆?即係暗戀?
甲:係呀
我:你係我情敵?
甲:重係老情敵

[齒厓](音牙)齴(音煙)
[齒厓]齴:危險


我:你大膽認係我情敵.令我好嬲
甲:你嬲就嬲啦.想打我呀
我:咿家要問清楚你有冇.偷偷地咩過我老婆
甲:有.係光明正大孭佢
我:嘩!你真係色膽包天啵.無論如何你要清楚交代      
甲:有一次大家喺山竉走出
我:入山竉?冇啦.我戴鞕綠㡌啦
甲:入山竉拜完神出嚟.佢一失足
我:你失足呱
甲:佢失足跌傷腳.我即時孭佢落.山腰.上車休息
我:佢跌傷腳係我孭佢呀.關你咩事呀
甲:關
我:閘住.你姓魯.我姓羅
甲:你搞鬼錯.我都係姓羅.羅魯筆
我:我係羅不凡.你係羅魯筆.都唔係同一人呀
甲:你搞咩呀.你即係我.我即係你囉
我:係咩?又好似係啵


咩同孭兩似同音
咩:*(正解)乜嘢的連讀音.甚麽的意思      
      *(邪解)曖昧事
咩:嗎
係咩:是嗎
孭   :揹
山竉:山洞
 樓主| 魯筆 發表於 2023-5-16 08:29:47 | 顯示全部樓層
墨:大佬呀.你做乜事發出
        平平仄仄上朋友圈呀
        班門弄斧
筆:本來係發畀我啲學生嘅.
        唔小心發錯咗
墨:你師傅咁㔹.得你一個學生.
        你何來學生呀
筆:你錯得好緊要.我師傅學生
        多到不可估量
墨:有冇咁誇呀
筆:所有日日追住睇澳廣視
        粵音正讀嘅聽眾全係佢嘅
        學生.就連電視臺唔少人
墨:睇嚟你係徒得虛名啵
筆: 咩意思呢
墨:即係話你掛名係佢學生囉
筆:我清心直說.並無虛言
        佢十年前到咿家係我老師
        永遠都係我老師
墨:你從來稱呼佢老闆啵
筆:係佢知我惷.驚我學得唔好
        所以就唔畀我稱佢老師
墨:所以唔教你啦
筆:你又錯啦.無論係咪學生
        佢都敎.有敎無類
墨:係嘅.有次我問佢住邊
        佢話佢住嘅上無片瓦下無
        寸士.聽佢咁講嘢九唔搭八
筆: 你住屋上有冇瓦?樓下地皮
         你有名嗎?
墨:係啵.我惗唔到啵
筆:當時你惗
墨:我惗佢唔想講真話
筆:怕你打劫
墨:睇我邊窟似賊呀
筆:窟窟都唔似
墨:就係啦
筆:窟窟都唔似君子呀
墨:何解?
筆:因為你窟窟都似狒狒
墨:你又幾靚仔呢
筆:都似狒狒
墨:彼此
筆:你窟窟都似.我相片似
        人唔似
墨:相片同人有唔同咩
筆:我個相係我孫女畫嘅
墨:我個孫今年讀大學
        你個孫呢
筆:都快啦
墨:高中?
筆:低啲
墨:初中
筆:再低啲
墨:初一?
筆:係小一
 樓主| 魯筆 發表於 2023-8-18 14:19:31 | 顯示全部樓層
粤語在所有漢人地方算唔算保留古漢語最多
不得而知.但至今留用唔少嘅而普通話極少用到嘅字辭.證明粤語比普通話古雅用辭多.更唔係眾人所認爲粤語粗俗.以下用兩隻普通話極少用嘅漢字編一小段對話
顀(音鋤):凸額
倠(音衰):貌醜
庣(音挑):發洩情緒口語
窳(音瘀):出醜
怐(音牛6):獃

甲:哎!沉晚又失眠
乙:有乜咁煩腦呀
甲:係開心
乙:有新女友呀
甲:儍啦.我係希望有一百多啲
乙:一粒鐘收入?
甲:係百歲多啲
乙:想多幾多?
甲:199
乙:庣(音挑)
甲:你庣我即係輕視我
乙:話你食得大頭菜多
甲:即係乜意思呀
乙:食大頭菜易發夢
        特别係雲南大頭菜
甲:嚸解要係雲南
乙:爽口夾甜
        發個夢都特别甜呀
甲:庣
乙:你個倠樣似壽星咩
甲:我嚸樣倠(音衰)
乙:你前後顀頭(鋤頭)
        唔死一世怐(音牛6)
甲:你真係唔識嘢
乙:咩咁好呀
甲:前顀金後顀銀呀.懵
乙:顀得光鮮就話啫
甲:我個額唔光鮮咩
乙:似烏賊魚多啲
甲:老友一塲唔使咁窳我嘅
乙:唔係窳(音瘀)
甲:重話唔係(添)
乙:即係話你靚仔啦
甲:噉又唔係
乙:講下笑啫.
        不過你話想有二百歲
甲:惗下冇罪啵
乙:彭祖都爭少少够百九啵
甲:彭祖八百歲呀
乙:八百係按周朝八十日一年計
甲:邊個話
乙:係香港無線電視廿幾年前講
甲:如果按周朝暦法我都就快到
乙:就快到嗰頭囉
甲:你正衰人
乙:彼此啦
甲:其實最重要唔係幾長命
乙:係健康
甲乙:加開心
 樓主| 魯筆 發表於 2023-10-7 07:50:47 | 顯示全部樓層
趣談廣府話
甲:我邌咗澳門三年幾
        我覺得廣東話好難學
乙:你初邌時已經五張幾六兜嘢
甲:咪住.咩五張六兜.又張又兜
        搞邊科呀
乙:廣東人一向講嘢都唔中意
        講正規範詞同規範音嘅啦
甲:唔明
乙:國語祇識講幾多十歲
        抳種千般一律冇變化稱之規範
甲:五張六兜可以講成五兜六張嗎
乙:得.又可以講五十幾六十
        不過冇咁靈活性啦
甲:學講話可能難在學靈活性?
乙:難處其中之一
甲:之二?
乙:靈活變音
甲:例如:
乙:叫你小塵好聽抑或小診好聽?
甲:小診
乙:抳啲就叫變音啦
甲:有時聽到耳都大埋
        檯面都幾種唔同音叫法
乙:係未好複雜.複習得嚟又好聽
甲:好聽得嚟又好有趣嘅呢
乙:你講日本話嘅呢
甲:國語都有變音㗎
乙:願聞其詳
甲:例如好字本音兩個可變四音
        好好,好好,好奇
乙:粤語有好多
        有趣兼好形象比喻句
甲:例如呢
乙:死雞撐飯盖.比喻太爱面子
        輸都係被人拖累
甲:你都似係咁啵
乙:其實好多人都有可能係咁
甲:講返死雞嚸様撐飯盖?
乙:你擺隻劏好洗瀞嘅雞落鑊蒸
        起初鑊盖冚得好好
        但隻雞喺高溫時不斷變形
        兩隻腳向上伸到直直
甲:將鑊盖撐起
乙:形象嗎?
甲:所以形容死就叫兩腳一伸
乙:形象嗎?
甲:國語都有講兩腳一伸
乙:有冇死雞撐飯盖呢
甲:冇
乙:有冇執死雞?
甲:冇
乙:有冇雞咁腳走.走雞即係走寶
        得到手叫撈雞
        賭徒少少賭一注叫揼雞
        好差(包括能力差)
        叫好雞
        偷懶又叫偷雞.吹哨子叫吹雞
        驚慌叫(騰)雞
        怕凍叫寒雞
        俏俏走叫静雞雞走
        白牌車叫野雞車
        三輪車叫三腳雞
        烙鐡叫焫銒(音雞)
        一圓至十圓内可以叫
        一雞兩雞
        一圓多至兩圓可以叫
        雞幾兩雞
        眼皮瘡疤叫
        眳(音盟1)痏(音雞)
        眼挑針叫生(崗)痏
        腳掌上硬繭叫(雞)眼
        牆上打横凸出小木樁
        叫楬枅(音雞)
        燒香剩下香腳
        叫香筓(音雞)
        潑辣叫
        嫛(音棖)婗(音雞)
        被雨淋濕身叫落湯雞
        冒失鬼叫蹱瘟雞(鐘)
        一毛不拔叫鐡公雞
        美食有鹽焗雞乞兒雞豉湭雞
        啫啫雞沙薑雞
        老闆解僱請食嘅無情雞
 樓主| 魯筆 發表於 2023-11-2 09:23:37 | 顯示全部樓層
本帖最後由 魯筆 於 2023-11-2 09:28 編輯

甲:前日見咗條鬼火咁
乙:靚嘅靚女
甲:你嚸知呀
乙:但凡講鬼火咁一定係靚女
甲:既定公式
乙:幾靚都多餘啦
甲:令我至今不能忘懷
乙:你今年貴庚呀
甲:人人有愛美之心
        年紀唔係問題
乙:隨便講講嚸靚法
甲:雖然有少少顀頭
        但一啲都唔様倠
乙:即係話顀都顀得有型
甲:正是如此
乙:咁就令你不能忘懷
甲:鞕係有其他啦
乙:例如
甲:短裙高秀腿
        長髮影婆娑
        一霎回眸笑
乙:當堂暈陀陀
甲:就係噉
乙:可惜
甲:何解
乙:似公孫戀
甲:愛情冇年齡限
乙:唔知醜
甲:嚸解
乙:佢有愛你咩
甲:有待假以時日
乙:一廂情願死得
甲:都唔係一廂㗎
乙:怎見得
甲:伊人秋水兩溋溋
        眽眽無聲勝有聲
        隨意回眸嬌更美
        歡心帶笑似含情
乙:你表錯情啦
        年將就木有乜心願
甲:感問蒼天何所賜
        不求珠寶要相知
        遙祝姑娘春不老
        望穿秋水把㛄思
乙:流嗮口水冇得醫
甲:老友鬼鬼唔使恎恎愩嘅
乙:使乜我恎你唧
甲:你話我隻老虎乸
        我當佢冇到
乙:喺你身後邊呀
甲:做乜咒我身後呀
乙:睇你後邊呀
甲:不知老佛爺駕到
        小李子有失遠迎
        小李子罪該萬死

顀(音鋤)
顀頭:凸額

倠(音衰):貌醜

嚸解:何解
您需要登錄後才可以回帖 登錄 | 申請註冊

本版積分規則

小黑屋|手機版|澳門中華詩詞學會

GMT+8, 2024-2-28 21:21

Powered by Discuz! X3.4

Copyright © 2001-2021, Tencent Cloud.

快速回復 返回頂部 返回列表