請選擇 進入手機版 | 繼續訪問電腦版

澳門中華詩詞學會

 找回密碼
 申請註冊

掃一掃,訪問微社區

搜索
熱搜: 活動 交友 discuz
樓主: 魯筆

[見聞片語] [活動]

[複製鏈接]
 樓主| 魯筆 發表於 2017-2-16 09:14:01 | 顯示全部樓層
2017.2.14
<<拜年有感>>
病咗好多天
猶如冇腰骨
嘴痛賀新年
點知有閃失
三食閉門羹
令我哭笑不
何處可伸冤
今次求枝筆



求枝筆 : *依靠枝筆
            *諧音.含意弊傢伙
 樓主| 魯筆 發表於 2017-2-17 07:03:41 | 顯示全部樓層
2011-10-22
<<安貧樂聚>>
廢物剛車至
拾荒群聚之
唔爭唔搶占
樂樂笑嘻嘻
 樓主| 魯筆 發表於 2017-3-23 22:58:37 | 顯示全部樓層
2017.3.14
即席合作順口溜
今朝鏡海漁翁約去澳大茶樓相聚.席間二人合作順口溜:
今朝隨老友
漁翁未算翁
酒樓雞上菜

(相對/品味/細品)意無窮
相品味無窮
 樓主| 魯筆 發表於 2017-7-25 20:24:20 | 顯示全部樓層
沉晚.係燕姐(簡燕棣;簡兄)返到澳門第二次演折子戲 [搶傘]
近劇終.鄭國銳老師話 : "比前次有改進".附近隱約有讚譽.

<<燕姐鍾愛>>(折腰體)

假戲真情演
功夫次次深
菁益求菁者
精神更勝金
 樓主| 魯筆 發表於 2017-8-14 22:57:13 | 顯示全部樓層
梁有先生電話講.有冇本事.能力大小.係人為.與天資有關.所謂天資.實屬基因遺傳.與天意及命運無關.

答梁有先生 : 梁有先生懂術數相命測字...........竟然學人講唯物哲理?

梁生 : 略知皮毛.祇可作遊戲.豈可當真.唯物方為實際

老朽 : 基因遺傳為主因.足以影響及主控人之聰愚.愚者必低能.祇得成世做廢柴者我也.我怨上天唔額外賜一小點靈.令我愚而不太鈍.廢而可用.此生無憾矣.回首幾呀年皆落索.雖未蓋棺足可定論廢足終生.

 樓主| 魯筆 發表於 2017-9-30 19:23:54 | 顯示全部樓層
今日晏晝.友約(前)市牢麥當勞傾偈.入門再轉角.與一約近卅女子四目相投.本是等閒事.約半個鐘.女子出門.我坐向門方.啱好目光唔覺意望佢背影.估唔到此時此刻佢忽然回眸顧我一眼.就憑呢一眼真令我感觸無限.想得太多 :
佢嘅回眸.一定係有意.點解要回眸?
一.可能佢有熟人似我.
二.可能覺得我容貌醜而又特別.致令其感到好奇.臨走要多望一眼.
三.可能想睇睇我重會唔會留意佢.
.................
無論佢邊種心態.我覺得彼此間有一個緣.唔止係一面之緣.應該係前世或下一世會結緣.從年齡猜測.可能係父女關係居多.
 樓主| 魯筆 發表於 2017-12-4 16:49:28 | 顯示全部樓層
本帖最後由 魯筆 於 2017-12-4 18:58 編輯

獲獎

我大舅傅來喜訊.其8嵗孫歌賽又獲昆明兒童獎.舉家歡騰

我舊年去探親.大舅講述孫子不但連年歌賽獲獎.且上(市)電視.於是家中當眾表演.
公吹口琴孫高唱.勢激昂.

事畢.與舅私語.汝孫唱歌.有板有眼.表情有嘉.表演慾可嘉. 膽量更嘉.
惜走音嚴重.應慢慢調斠(音:較).或找明師教.
大舅話.年幼少少跑調.將來自然修正.

我常看中央電視.所有兒賽都字正腔圓.感覺大舅心怕傷孫子自尊心.不予矯正.避重就輕.

大舅人際關係好.人面廣.孫子每次賽前.全家大人四處為此拉票.

時下全都以人氣為名次首選.雖有理而不正.雖不正已為常.人氣來源財力.勢力為主.其次人際關係.

體肓賽(包括棋類)正常下.冠軍真冠軍.沒人際關係之冠軍真冠軍.其他冠軍未必真冠軍

我大舅孫子如不改善.他日到省賽可獲獎.余所言皆廢矣.
若賽敗.心必傷.行必異.正則奮力成才.負則不堪設想.

沒硬功夫的獎.有如歌星蔡楓華金句 "一剎那光輝唔代表永恆"
 樓主| 魯筆 發表於 2018-1-7 19:30:40 | 顯示全部樓層
遺憾

記得我牤仔時.宴中.有大嬸工作中經我身邊.順口叫我慢慢食.我卻叫佢慢慢做.
版佢罵到狗血淋頭.意謂肚飽唔知肚餓人............


牤(音:亡1)仔 : 青年
僆(音:靚1)仔 : 少年
 樓主| 魯筆 發表於 2018-8-30 20:43:51 | 顯示全部樓層
本帖最後由 魯筆 於 2021-7-2 18:39 編輯

2018.8.30

大半三鄉成澤國
超多座駕作停舟
街街商舖家家閉
夢成空要調頭旅


結句本是 : 旅夢成空要調頭
電腦自動幫我將結句調到亂七八糟
 樓主| 魯筆 發表於 2019-1-13 09:27:43 | 顯示全部樓層
本帖最後由 魯筆 於 2019-1-13 10:13 編輯

2018-11-21

上月,有人於二龍喉網貼上讚地方美食詩.詩未出時我亦寫上拙作.美食詩剛出.我拙作後出半秒.被另一滋事者為炫耀他雞毛令箭權力.做二架樑話我口臭.
上週我寫笑話.被此滋事者辱之 '小丑‘’

我從未得罪他.一個大名鼎鼎位高權重的大詩哥何解要踩一個無名小老頭?

<<妒庸才>>
天才也有天才妒
不遭人妒是庸才
庸才也有庸才妒
疾妒庸才更庸才


吹簫冇够氣
唱歌冇中氣
講話冇神氣
開工冇力氣
曬命冇財氣
做人冇霸氣
憎惡冇義氣
笑罵冇骨氣
恨己冇爭氣
成世冇運氣
何來大口氣

2019.1.12午
任風塵老師請數友用飯.席間.屢踩我之 '二架樑'連叫我兩聲.任風塵老師問我有冇聽到.我答之選擇性.跟住作句曰:
唔想與為敵
我係烏龜耍太極
投鼠忌器應知

任風塵老師截住話:都唔知唊乜.跟住轉話題.我亦不再續下句: '打爛乜盤都不值'
 樓主| 魯筆 發表於 2019-2-21 14:50:18 | 顯示全部樓層
本帖最後由 魯筆 於 2019-2-21 15:17 編輯

今朝見聞

(順口流)
胸圍當腰帶
睇嚟真怪怪
干卿何底事
試啱先至買


身在險中不知險
竟然犯險車道聊
險過剃頭人怕死
唔通佢命有九條
 樓主| 魯筆 發表於 2020-7-10 16:09:00 | 顯示全部樓層
本帖最後由 魯筆 於 2020-7-17 09:42 編輯

隔離坐花廳

老朽夫婦二人.13號晚近11點半返到澳門機場.過完關.遞檢疫表(6千臺幣驗費).測體溫.聽關員指示坐等再驗疫.
除我同機九人(4澳門5臺灣).比我機早者坐另一行約卅多人.
輪到我班上警車上山頂過3點半後.全機人驗完上車到酒店(喜來登)接受隔離.時過3點半後.酒店辦完手續入房時近5點半
澳門人食住免費.外人1600.(房價6600)

酒店隔離規定.不得踏足走廊.犯者入牢半年
每日三餐由入住時填表選定中西式.按時送到 '府上'門口之几上.按鈴為號.自己開門.人人知几而自取其肉.膳後將遺骸打包.放於几上.

房內有測溫器與記錄單.旱晚自測體溫.作記錄.早9:半前.晚9:半將記錄單放於几.每隔兩天.衞生部用電話逐房詢問健康狀況

若有所要求或申訴.致電話服務臺告知.經同意.將所需物放於閣下門前

隔離真享福.幾日脹卜卜.無事坐花廳.有事急到哭

我非南冠客. 願禁十多天.好餐兼好住.舒服似神仙

為全澳健康.澳門政府所為與付出.雖說應該.也應共讚!!

今午(17/7)
無恙蒙恩今出浴.天青氣爽好精神.更望疫情飛快過.寰球從此一家人
 樓主| 魯筆 發表於 2020-7-17 09:43:28 | 顯示全部樓層
今午(17/7)
無恙蒙恩今出浴.天青氣爽好精神.更望疫情飛快過.寰球從此一家人
 樓主| 魯筆 發表於 2020-7-31 08:19:01 | 顯示全部樓層
黨賊李登輝

當今王莽該亡矣
滿惡何顏見蔣翁
念祖親宗倭寇種
三家茶禮正衰公



新聞報李登輝最初曾是共產黨.後投國民黨.本是日本種
鄭公子 發表於 2020-8-9 03:12:22 | 顯示全部樓層
本帖最後由 鄭公子 於 2020-8-9 13:20 編輯

答客李登輝

叩日黑船原不欺
全盤西化適之思
台灣民主待君立
絕勝畸胎馬列遺
簡燕棣 發表於 2020-8-10 08:01:53 來自手機 | 顯示全部樓層
日本也是先「富」起來,然後陷入軍國主義的泥沼,這又是一個值得研究的課題。
簡燕棣 發表於 2020-8-10 08:13:48 來自手機 | 顯示全部樓層
日本也是先「富」起來,然後陷入軍國主義的泥沼,這又是一個值得研究的課題。
新的人及事物,應該在各方面比舊的好才有進步。

點評

詩姐言之成理!!  發表於 2020-8-10 11:34
 樓主| 魯筆 發表於 2020-9-7 10:09:09 | 顯示全部樓層
[參觀澳門科技大學]

前幾日參觀澳門科大.意想不到內設遊戲機課程.

竊以為.對極少數人可以玩出名堂.商機.獎金.創意.技術突破......
尤其技術突破對科技最有價值
還有何好處?有何重要?有何必要?有何目的?

可能對大多數人會沉迷.此為玩物喪志.

凡事有好壞.視乎孰輕孰重
 樓主| 魯筆 發表於 2020-11-20 23:46:47 | 顯示全部樓層
魯筆 發表於 2018-8-30 20:43
2018.8.30

大半三鄉成澤國

本詩雖屬順口流.但原本尾句是
旅夢成空要調頭

為何會改變成:
夢成空要調頭旅?

細看全詩並無修改.是電腦愚弄?或許鬼整?
 樓主| 魯筆 發表於 2020-12-19 18:38:04 | 顯示全部樓層
[可能是真事]

今日睇亞洲東森電視.
有A嘉賓講戲劇性真事.略述大概:

臺北有高中苦學優生.考上醫學院.因無錢而愁.一女同學願全資義助供讀.
幾年後.男子醫科碩士榮歸.父母對女子低身份不襯驕兒.欲勸子另擇.子有同感.情淡淡.
不久.與一富女成婚.繼而開醫務所.頗旺.
金融風暴到.平日所買股票全敗.被追債.舉家逃到臺南打工.
不久.董事長探廠.全廠侍立兩旁.董事長父女與該男子碰面.男子見狀不妙.面紅耳赤低頭不語.
董事長馬上宣佈炒此勢利負心漢.
您需要登錄後才可以回帖 登錄 | 申請註冊

本版積分規則

小黑屋|手機版|澳門中華詩詞學會

GMT+8, 2024-2-27 08:00

Powered by Discuz! X3.4

Copyright © 2001-2021, Tencent Cloud.

快速回復 返回頂部 返回列表