聯首：計日池中撈錦鯉

唔好浪費─
　
計日池中撈錦鯉
放晴灘上剝光豬
　

長期兄,周芷若 vs霍青桐,那是(書劍屠龍傳)裡的一幕啊.
陋筆 發表於 2011-7-25 21:30

呵...是金庸混傳



計日池中撈錦鯉
周時豬尾煑花生

覆張帆君：問好，久違了！來言問字，羞煞江郎！剛手上有此閒章，聊濫充之，失禮！

計日池中撈錦鯉；
通宵圍外紞泥鯭！

計日池中撈錦鯉
吸塵機頂拍烏蠅

計日池中撈錦鯉
離家室後結金蘭(水滸內很多個都係咁)

回復 19# 陋筆

小時候祖母指住隻好似灰鴿既雀鳥話係斑鳩，所以有些印象。
未嘗過，听講幾好味，用什麼牌子爐具烹煮都差不多吧？
澳門街市相信未必有售，好些廣州大酒樓都搞埋動物園，海陸空一應俱全，去到試找找看。

「陋筆一般也是用(美的)打的,但多數是斑片或斑腩.
改天,真要試試用(林內),是啊,斑鳩可以在街市買到麼?
」

「計日池中撈錦鯉；改天林內打斑鳩」

陋筆兄：我理解上，兄可能捉錯用神了！愚見「機關」不在「林內」。是於一個「打」字，這個「打」，可指謂「打出」之意，是為（露）也！

引據童謠：「人之初，初之人。先生着錯老婆裙，老婆着錯先生褲。先生打出個？？？。」後三個字，便是「斑鳩」的叫聲之象聲字了！兄意為否？

覆張帆君：問好，久違了！來言問字，羞煞江郎！剛手上有此閒章，聊濫充之，失禮！




...
任風塵 發表於 2011-7-26 14:34

真箇拋磚引玉，謝謝風塵兄賜教，敬佩之至。

依稀記得此「啗」字，全因幾近半個世紀前，小弟的國文老師曾經提及；今得風塵兄詳加說明、印證，心殊感激。

國文老師是貴邑賢達，國故精深，1939年首任「中山縣臨時聯合中學」校長 。(此中學由石岐的縣立中學、女中、縣立師範三間中等學校合併而成─ 後正名為「中山紀念中學」，老一輩的中山人或許認識他)


國內政權更易，老師來港續執教鞭，惟小弟當時志趣在理工科，視文史科目可有可無，有負良師教誨，慚愧！　
　

名師高徒，大把前途！羨慕！羨慕！

計日池中撈錦鯉
霎時路上擺烏龍﹙大陸高鐵事件﹚

改天林內打斑鳩
任風塵 發表於 2011-7-27 11:32

既在林內,急中生智,打斑鳩實屬情非得已.
曾幾何時,陋筆.......

.........「斑鳩」的叫聲之象聲字.............
任風塵 發表於 2011-7-27 11:32

忽然又想起神鵰俠侶,
話說楊過好細個就封老毛跟正小龍女,
金庸話小龍女教楊過打麻雀,
但係陋筆諗,果D應該係斑鳩,
所以楊過長大成人之後,望住小龍女就會學斑鳩叫,
後來佢地隔住花叢練玉女心經,
可能兩個人都唔敢對望,怕一睜開眼,
大家都會叫起上嚟,禾雀亂飛.

忽然又想起神鵰俠侶,
話說楊過好細個就封老毛跟正小龍女,
金庸話小龍女教楊過打麻雀,
但係陋筆諗,果D應該 ...
陋筆 發表於 2011-7-27 21:30

兩位站長對拙鳥感興趣如斯，洒家魯某之幸，亦小弟之幸也。
豈張帆兄之「剝光豬」猶有不足，欲言又止乎？苟如是，請更進一解，以副雅望：

計日池中撈錦鯉
來朝草裏採花菇

兩位站長對拙鳥感興趣如斯，洒家魯某之幸，亦小弟之幸也。
豈張帆兄之「剝光豬」猶有不足，欲言又止乎？ ...
鄭公子 發表於 2011-7-28 07:18

　　女：佢…佢… 佢拉我入去樹林…

　

父：吓？

　

女：我想睇吓佢有乜古怪，佢搶我對襪和(喎)，我剝留佢對鞋， 重有…ai…

　

父：又重有你無謂講啦，我經已諗到哂，激到我氣頂頂，吹鬚眼碌大！

　

女：ai…又係你教人咪蝕底嘅…

　

父：衰女！ 我教你咪蝕底啫─ 你底面都蝕埋 呀~~呀

　

　

【光棍佬教女】歐陽儉  陳露薇

http://www.tudou.com/programs/view/lMkyXu-CDrM//

　

『但係陋筆諗,果D應該係斑鳩,
所以楊過長大成人之後,望住小龍女就會學斑鳩叫,
』

......斑鳩在誦讀詩文時,亦會分陽平,陰平,去,........
任風塵 發表於 2011-7-28 13:40

呵呵...........呵呵.........呵........真係笑到氣都咳!
風塵兄,再講落去都唔知會唔會講到粵音九調嚟,
咁就大鑊夾長篇,陋筆都係講住咁多先囉.
呵呵..................

計日池中撈錦鯉
即時面上揤孖瘡

冇法啦，鬼叫細人一個甲子，成日生暗瘡

計日池中撈錦鯉；
通宵松下飲花雕。

計日池中撈錦鯉
乘時市上撿紅龍

友人傳來照片題為「今晚食傳說中的Woolworths龍蝦」。
日前當地超市Woolworths及Coles推出每只$20龍蝦，瞬間售罄。