開門七件事係柴米油鹽醬醋茶,好多人都知,
但係點解有鹽冇糖,有茶冇酒呢?
大家梗係搵唔到中國文獻有咁o既記載,所以咪人云亦云囉,
唉!中國文獻當然搵唔到啦.
因為果篇o野o係八國聯軍入京o既時候俾法國佬捻走左.
當時o既法國王帝,把口淨係識食,好少用嚟講嘢,所以叫做(france king),
佢手下有一個大臣(莫理腮)(moresoy)擅長廚藝,鍾意做d多舊魚o既法國大餐,
咁好彩嚟到清宮搜掠,一見到呢篇嘢提及柴米油鹽醬醋茶,
以為係食經就開心都嚟唔切捻走左,雖然唔多明,但係斷估翻譯左,
佢仲著書立說,叫做(法臣經)喎.
原來,果篇嘢只不過係中國(堂送八大瓜)之一o既(床安蓆)所寫o既詩--(教父).
唔好睇輕呢首嘢呀,同陸游o既詩--示兒,當時係齊名o架.
後來鬼佬仲將佢改編埋做電影,由(馬龍白攔道)同(阿二拍先奴)主演添.
其實(教父)呢首詩係教d父母唔好俾d仔女閂埋門獨處,
古時d o靚仔成日話要閉門造車,閉門思過,閉關自守,閉門不納等等,其實唔知閂埋門做乜,
所以(床安蓆)就寫左首詩提醒d做老豆o既,唔好俾d仔女閂埋度門.
閂埋門好易做傻事咁話.
詩云:
柴乾火烈正言歡
米快成炊刻不緩
油澆炭爐疑舉火
鹽舖映畫喜旁觀
醬泥臭汗眠高枕
醋海嬌娃念帥官
茶裡風波兄弟訌
關人七事要開門
作者係叫d老豆睇住d細路.打交,溝女,溝仔,偷懶,自殺,自.....等等多數會閂埋門黎做,
為左防患於未然,要打開度門至得.
所以後世人就每句捻左頭一個字連埋黎記,貪佢好記d,柴米油鹽醬醋茶就叫開門七件事,
根本同調味料無關,有經有典,有根有據,唔到你唔信呀.
呵呵............................. |