[攻略心得] 炮火的戰艦升機需知 (新手/成日俾人踢必讀)

哩一個任務係升機首選，出哩個任之前都係靠新香港，但係因為新香港要局等重高出現同出必，所以平均一場起碼要 3-4 分鐘先打得完，而且經驗值不過 100 出少少，十分唔抵。反觀炮火的戰艦，夠快既話計埋讀取都大概只要兩分鐘就可以完場，所以成為升機人士既首選。

但係玩哩個場升機有唔少不成文既規矩，新手唔知就阻住地球轉而俾人踢，所以在下寫哩篇野專為新手解釋一下，以免浪費大家時間。



一開場既時候，一聽到遊戲既警報聲（即係見到下面既圖片時）就要按鍵盤左上角既 ESC 鍵大約 4 次左右。(曾經有人以為我地叫佢 type ESC 出黎)。按 ESC 既原因係當4名玩家都有按 ESC 時就會跳過開場動畫。當然其他玩家都唔會知道邊個無按，所以通常當你按佐 ESC 之後就 type ESC 以表明你有按。如果你新加入，有按 ESC 但無 type 而有其他玩家無按 ESC ，通常房主會判斷「新黎既無 ESC」咁你就會俾人踢



哩個任務分兩段，第一段就係殺 15 架機，講多無謂啦


第二階段係打戰艦。有三架戰艦要打，分別係攻擊型，防禦型同補助型。防禦型響左上，亦稱為「防/左/上」，譬如有人叫你打防，咁即係叫你打左上果架戰艦啦。


第二段開場既時候每架機既排位係按照你地入房既時候既排位。同第一階段唔同，第二階段由左至右分別排 001, 002, 003, 004，亦即是 001 最近防禦型，004 最近補助型。比較合理既篇排係邊個最近邊架就打邊架，不過亦需要按照玩家所用既機黎安排先妥當。一般黎講最難追既係防禦型。如果叫架 GP03D 或者翼零改去打架防禦型就會好辛苦。所以通常會郁既(防禦型同補助型)都交俾拳/剪機處理會快Ｄ。


防禦型(防/上/左)：
哩架就係防禦型。特徵係戰艦前面果個天線。打戰艦既時候要打晒全部部件先可以打艦身，如果唔係佢補血快過你扣血，你打天光都打唔爆。

打晒部件先打艦身。如果熟悉 MCA 既話拳機都可以好快搞掂。

補助型(補/副/輔/下/右)：
最乾淨既一架，得四個飛彈同一個砲台，最理想係交俾 004 去打，一開場先摧毀右面果兩個飛彈。因為一開場可以打會心。之後架機轉左果陣打佢左邊果兩個飛彈唔駛追得咁辛苦。最後搞掂埋個砲台就可以打艦身。熟手既可以響佢駛出地圖外之前搞掂。如果你係快手既，打完就幫幫隊友啦。


攻擊型(攻/中)：
正前面開始既時候唔會郁既一架。遲Ｄ架艦都會郁。如果佢開始郁你都未打完咁你真係好慢。唯一要注意係哩架戰艦會放出兵仔，十分煩人既 105 達加如果無去追打防果個咁應該就係追緊你黎打。打部件既時候盡可能飛到後面先打。打會心會快Ｄ。


Kill 3/殺 3：
哩個有好多新手都唔曉，響第二階段擊破三架達加（不論突擊達加或者 105 達加或者混合都得，總之夠三架就OK），完場之後就會多Ｄ經驗值。


如果無殺 3，經驗值 148


如果有殺 3，經驗值 158 (如果雙經就係多 20，如果用埋副官 G + 40% 再雙經就有 442，無殺 3 就 414）

有無殺到 3 效果十分明顯，所以如果叫你殺 3 你無做就等踢啦。



如果合作夠好，唔駛一分鐘就打完一場。更快既完場果陣仲會剩 5:10 (開場果陣時限 6:00)