四人大話(短篇故事)

開個topic叫四人大話,喺邊四個大家心知肚明,
寫d短篇故事上嚟吹下,乜都得.先寫為敬!

low b八九歲果陣小時了了,o係街撞到個騎呢亞伯o係度玩緊啤牌,
low b埋去俾佢呃左兩毫子,之後佢同low b講~~~~~~~~~~
亞伯:細路,見你科銀咁爽手,阿伯醒番兩o野你啦,呢四隻乜o野o黎呀?
low b:四隻queen.
亞伯:queen係皇后,咁你知唔知係邊四個皇后呀?
low b:咁呀,英國,荷蘭,丹麥,都有女皇,仲有......呀,埃及妖后.
亞伯:錯,佢地四個其實都係中國女人黎o架.
low b:呃鬼咩,個個都鬼頭鬼相,點會係中國女人喎.
亞伯:呢個叫小昭,佢係波斯聖女,離開中國明教番去波斯就封左后,
     不過佢老豆韓sir係中國藉,雖則鬼鬼地但都係中國人.
low b:以為係小說咋喎.
亞伯:呢個係慈禧太后,佢係旗下人,女真族仲係近俄羅斯果隻.
low b:唔係喎亞伯,見過慈禧幅相,佢扁口扁面仲鞋抽果喎.
亞伯:你有所不知啦,慈禧後生果陣成個鬼妹仔黎o架,不過後來垂簾聽政,
       要扮老正咯,咪成日拉長塊面,久而久之咪搞成咁囉.
low b:咁又係喎.
亞伯:拿,呢個就係文成公主啦,.
low b:哦,和番果個.咦,佢純正中國人喎.
亞伯:不過佢嫁左松贊干布呢,食左佢d口水尾多囉,食食下就變埋夫妻相啦,
       咪咁o既樣囉.佢都係王后o黎丫馬.
low b:嘩,咁都得呀,咁最後呢個呢?
亞伯:王昭君.
low b:唔係下話,亞伯,王昭君未嫁去匈奴就死咗囉喎,正宗中國人,
        又唔係皇后,有冇老點呀!
亞伯:聽埋先啦,王昭君o係民間選妃果陣冇跌俾毛延壽,
       條友咪畫到佢個樣鬼五馬六囉,個皇帝見幅畫鬼頭鬼相,
       就諗住送佢去匈奴整古下個匈奴王都好o架,又點知王昭君
          一個唔該跳左落河,結果個使者咪交幅鬼畫符過佢就算了事,
       撞啱個匈奴王又咁長情,見畫如見人喎,仲要封死鬼王昭君為后添,
        就係咁印埋落副啤牌度啦.
low b:唔....係.....下......話.........

low b八九歲果陣小時了了,o係街撞到個騎呢亞伯o係度玩緊啤牌,
low b埋去俾佢呃左兩毫子,之後佢同low b講~~~ ...
陋筆 發表於 2011-5-26 16:35

以相聲形式講古仔.可謂別開生面.別出心裁.別具一格.
精彩!!拜讀!!謝謝!!恭請
陋版有空繼續講!!  

回復 2# 陋筆

一出馬果然犀利！

原來四條queen咁多野睇，搞到我即刻要摷番副啤出來點相，居然摷到我副珍藏，仲有五十四條queen添，大鬼係螺祖，一路數落去，到最後一隻階磚king係婉容。至於名實相符的四條queen是呂后(葵扇)、馮小憐(紅心)、花蕊夫人(梅花)、珍妃(階磚)，副啤叫做「歷代皇后高級扑克」，見過未？

回復 5# 鄭公子


    一笑相傾國便亡，何勞荊棘始堪傷？
　　小憐玉體橫陳夜，已報周師入晉陽。

回復 6# 簡燕棣

告急軍書夜半来，開場弦管又相催。
瀋陽已陷休回顧，更抱佳人舞几回。

回復  陋筆

一出馬果然犀利！
簡燕棣 發表於 2011-5-26 19:49

    開場白都咁好嘢.更多更好嘅嘢陸續有蒞.請啦!

原來四條queen咁多野睇，搞到我即刻要摷番副啤出來點相，居然摷到我副珍藏，仲有五十四條queen添，大鬼係螺 ...
鄭公子 發表於 2011-5-26 21:50

    未見過.聽
閣下一講.好想一見.請呀!

呵呵.........聽古,大家唔好嫌陋筆口水多過茶就得嘞.
講到口水多過茶,點解唔係口水多過酒,口水多過浪呢?
有段古...........
就喺一條村,叫隔籬村果度,有個自命才子o既人之患,
條友鍾意吟詩作對,乜都對一餐,但係就好求其,聯律都未搞得掂.
有日佢喉嚨痛,走去睇中醫,咁啱個大夫亦係玩呢科.
一傾開對聯就收唔到聲........
老師:今日真高興,見到知心友,仲係好對手,對番兩對好喎.
大夫:奉陪,奉陪,唔客氣囉,我出先---望聞問切.
老師諗一諗,就對:構寫謄交.
大夫一時諗唔通,問係乜嘢意思.
老師話:係呀,就係叫學生作文,先構思好然後寫,謄文之後就交卷囉.
大夫心諗:咁都得,點教書呀,呢個時候,老師就出句嘞.
老師:通書皇曆能卜雨.
大夫:荊芥薄荷可驅風.
行家一出手,就知有沒有,老師見大夫對得似模似樣,就再出一句.
老師:才從疏裡學
大夫:病向淺中醫
老師心諗,自己研究咁耐仲係老師,唔係唔夠個江湖郎中揮下話,整劑佢嘆.
老師:求醫多早死.
大夫:識教少先生.
大夫明知老師玩嘢,都唔客氣囉.老師又一次唔夠人嚟,當當咳咗兩聲.
大夫先至想起,條友係嚟睇病個喎,顧客至上,擒擒青就把把脈先.
一摸脈門,見佢脈博有異,而且口氣都好大o下,明顯係好熱氣.
就口o翕 o翕咁話:心火烈于酒.
老師一聽到,就以為係出句,呢勻諗到點對,仲唔威番一鑊,
於是大大聲對:口水多過茶!
大夫以為老師條氣唔順,話佢多聲氣,就收咗嗲,執藥收錢就拜拜,
後來同人講開,都話老師嫌佢口水多過茶,整吓人人都係咁講,變咗俗語囉.

好鍾意睇呢d古仔  陋筆寫既好好睇
唔知叫做乜野呢@@
可惜我胸無點墨 淨係可以睇-v-"

真係好好睇。仲有粉絲鼓勵(陋版一定已經登左廣告)，作唔到都要抄番段：

話說有私塾啟蒙老師石先生者，某日坐館授徒，講授對聯法，時春光明媚，石先生心情大好
望教室窗外屋頂，得一上比，屬諸生對：
「貓坐貓頭瓦」
中有一生，見窗外群雞啄食花叢間，靈感忽至，起立對曰：
「雞啄雞冠花」
先生不悅，斥之：花應對草樹之類，豈可對瓦，應以砂磚等同類字方算工整！
生乃頭耷耷坐番低。
時群雞吵鬧不已，先生厭煩，拾牆角一棄磚投擲之，一雞中磚斃，先生復聯興大發，搖頭擺腦，出上比曰：
「細羽家禽磚後死」
得先生教誨，剛才該生已開茅塞，呢次工整矣，應聲曰：
「粗毛野獸石先生」

熱烈歡迎 [嫣燒雲] 詞長
蒞臨澳門中華詩詞論壇!!!!!!!!!!!!

看官此時一定覺得太精彩.心情一定好興奮.激動到想拍爛手掌.
[口戒] [皮斥] 喉嚨.且慢!老朽深知
(陋版)老闆與
鄭公子此祇是鋒芒稍露.重有兩翼插刀嘅高手
簡兄.蕭邦個孫個孫蕭十一郎未出場呀.好嘢陸續有雷驚呀.怕真要拍時手痛到想拍拍唔到就唔好啦.講到 "兩翼插刀" 祇係謬誤.原本係 "兩議岔道".有段古.留番第日講.
請呀!!
232---232156123..2----茶蚌茶蚌......茶茶....的.的的蚌.....(請續古仔)
                 . .

好鍾意睇呢d古仔  陋筆寫既好好睇
唔知叫做乜野呢@@
可惜我胸無點墨 淨係可以睇-v-" ...
嫣燒雲 發表於 2011-5-27 01:09

歡迎嫣燒雲光臨澳門中華詩詞學會網站.
好囉!多個人嚟睇,好過得我地四條麻甩咁齋.
既然係第一個看客,咁就要俾1分做紀念囉.
多謝支持!

真係好好睇。仲有粉絲鼓勵(陋版一定已經登左廣告)，作唔到都要抄番段：

鄭公子 發表於 2011-5-27 07:43

多謝鄭公子!
中國其實有好多呢類型古仔,有好多過癮到不得了,
鄭公子自己老鑿又好,覺得好嘢搬d過嚟都好,
等大家得啖笑就ok囉.

呵呵！呵呵呵！(老師獨特笑聲)

老師不單對聯了得，原來寫文章也别具風格，學生真要好好的向你學習了。

      土產名稱的來源，後面總是有一段小故事。當某事以常理說不過去，人們就會將之歸於仙人仙法，大概這就是人比神仙更聰明吧！
            
青島附近的嶗山生有一種非喬非灌的小樹，樹幹長得不粗，通體都是像疤痕一樣的節。走過用力搖搖它，樹幹顫顫悠悠不彎。人們就地取材把它做成拐杖，名叫〝嶗山棍〞。

相傳有這樣的一首歌謠。

嶗山棍兒滿身疤，
疤摞疤，麻摞麻，
老人拄着好回家。

當年八仙過海，由嶗山起步。張果老是騎驢兒來的，他從崑崙山騎到嶗山太清宮張坡的地方，總共有一萬多里，於是他把驢兒拴在一棵小樹上，卻忘記給驢兒餵點糧草，驢兒飢饑到不能忍受，就張起嘴吧啃小樹的皮吃，啃得小樹一直在叫痛：「好痛呀好痛痛！」。張果老聽見了就安慰小樹說：「我要走啦，等我到東瀛取＜無比膏＞回來给你療傷吧。」

怎料，張果老 一去就三年，小樹每天都在哭著唱：「左三年呀又三年，什麽膏也不見你的面.....。」  

六年的漫漫歲月過了，張果老果然回來啦！，並帶了東瀛的＜無比膏＞為他敷傷口。可是小樹傷口好了卻長得一身疤痕，幸好小樹身體变得越來越結實。

google.com.au

弊啦，原來＜無比膏＞係老嬸嬸指定用來止癢的，並非止痛的......張果老果然沒改錯名，人家叫「痛」他卻聽到叫「癢」啊！

回復 12# 鄭公子


  好精彩！

土產名稱的來源，後面總是有一段小故事。當某事以常理說不過去，人們就會將之歸於仙人仙法，大概這就 ...
簡燕棣 發表於 2011-5-27 13:35

    看官須知此藥膏乃張果老贏取之.箇中底蘊還須細說端詳.......