[粵語老歌謠集](侑孤嘳)

女人尊嚴曰是什麼曰子呀？
簡燕棣 發表於 2012-4-4 21:44

生日

生日
魯筆 發表於 2012-4-4 04:49

    想比禮物都難啦，係〝情人節〞

舊時澳門的三輪車佬一路拉車一路唱，我好鍾意聽...我都唔記得...好似係...

多謝毛主席
賜我一身力
耕田冇得食
晒到黑隙隙

其它唔記得...

細佬仔個陣，老師成日教唱〝爹親娘親，不如毛主席親〞，二姊在天主教學校讀，佢又話天主係佢父親，咁一家人無端端就变咗雜崩Lun勒！

這首老歌真動聽，順便介紹一下。

明星歌
http://www.youtube.com/watch?v=DXczI6w7__Y


鄭君綿，林鳳，蕭芳芳，紫羅蓮，凌波，金峰，李綺年，李青，李敏
­，謝賢，狄龍，任燕，寶珠，江雪同白燕，夠香豔。嘩，白雪仙阿任­兩纏綿，胡楓，薛家燕。張揚，丁紅，胡蝶，朱丹，依達，林豔，沈­殿霞，杜平，樂蒂，雷煥璇。夏萍，鄧寄塵，尤敏，歐嘉慧，高佬泉­，矮冬瓜，張燕，穆虹，杜鵑，上官玉，王羽，邢慧。高遠，丁亮，­金漢，朱麗，關山，李我，鄭佩佩，周璇。林家聲，劉克宣，上官靈­鳳和石堅。新馬師曾，李錦坤，駱恭，李香琴。于洋，康威，汪鈴，­江菁，張瑛，寶寶，森森，金川，嫁咗嘅于倩，佢仲妙美曲線。馬師­曾，薛兄覺先，杜蝶，林黛，我內心懷念，呢啲想我也曾同見面。

無釐頭.冇理由磨利鉋刀冇奶油
魯筆 發表於 2012-4-2 19:11

    i pad

新年公司聯歡聚餐，老板帶咗佢两個一歲及两歲女兒來，两歲的己經懂得玩 i pad 啦！

呢两句唱到街知巷聞

落街無錢買麵包，上街又怕老婆鬧


http://www.youtube.com/watch?v=fCpVG2eq9Jg&feature=endscreen&NR=1

落街無錢買麵包　靠賒我又怕被人鬧
肚飢似隻餓貓　受了飢寒我開聲喊
皆因肚中飢餓　我裡面似係戰鼓敲
最衰平日結交埋一班損友任性來胡鬧

亞爹勸極我完全唔受教
皆因懶　趕出校　我o既頭毛電到以花棚
整得週身衰格扮到唔似男人貌

錢一多週身咬　總之係猛洗
若無錢個陣　返家中即刻抄
搵衫當　拎氈賣　更糾黨惹事去打交
更好尊車大砲　平素學到品質撈咁攪
我信用已失　又怕我難容在世
必要自少應當管教
奉勸人人萬大要關防
免使子女學我咁胡鬧

舊時媒人婆以三寸不爛之舌拂拫把大葵扇撮合男女雙方時嘅一啲經典語句。

請用順德話讀

廿畝田、
廿畝地、
廿畝荔枝基、
一扳高大屋、
三疊到神前。

月光光 (另一版本)


   月光光，照地堂，年卅晚，摘檳榔，

   檳榔香，摘子姜，子姜辣，買芙薘，

   芙薘苦，買豬肚，豬肚肥，買牛皮，

   牛皮薄，買菱角，菱角尖，買馬鞭，

   馬鞭長，起屋梁，屋梁高，買張刀，

   刀切菜，買籮蓋，籮蓋圓，買隻船，

   船漏底，浸死兩個番鬼仔，

   一個浮頭，一個沉底！

   一個匿埋床下底，惡惡食孖油炸鬼。

         麻雀仔 , 擔竹枝,

         擔上崗頭望阿姨 。

         阿姨疏隻嚤囉髻 ,

         摘朵紅花伴髻圍 。

         鞭仔又長 , 腳仔又細 ,

         咁好花鞋踩落泥 ,

         咁好白飯餵貓仔 ,

         咁好姑娘嫁個爛賭仔。

           狗逗火似乎較確

         排排坐，吃粉果，

          猪拉柴，狗逗火，

         貓兒擔櫈姑婆坐，

        坐爛屎窟咪賴我！

又喊又笑


又喊又笑,
烏蠅打醮 ,
蠄蟧攋尿 ,
老鼠行橋。

餵食鬼 ,
擔櫈仔 , 人咁高 ,
你咁矮 , 先生話你係老鼠仔, 匿埋床下底, 畀人打到變龜仔。

一隻歌仔甚新鮮 ,
繡花曱甴契紅棉 ,
又問蜘蛛借線縲 ,
又問蠄蟧借盒仙 ,
樁米公公擔盒去 ,
螳娓問佢擔去邊 ,
佢話擔去秋嬋大姐處 ,
唔見秋蟬大姐十多年。  

鷄公仔
另一版
  
鷄公仔,
尾彎彎 , 做人心抱甚艱難 !
早早起身都話晏 , 眼淚唔乾入下間 ,
下間有個冬瓜仔 ,
安人又話蒸 , 老爺又話煮 ,
蒸蒸煮煮唔中意 , 拍起床頭鬧三朝 ,
三朝打爛三條夾木棍 ,
四朝跪爛四條繡花裙 ,
走上山頭撟眼淚 ,
禾蜂針眼蕊 。

鷄公仔
另一版   
鷄公仔 , 尾彎彎 , 做人心抱甚艱難！

早早起身都話晏 , 眼淚唔乾入下間 ,

下間有個冬瓜仔 , 問安人老爺蒸定煮 ;

安人又話蒸 , 老爺又話煮 ,

蒸蒸煮煮唔合安人老爺意 ,

大揸拉鹽又話淡 , 手甲挑鹽又話鹹。

呢句小時己聽過

真光豬，嶺南牛，培道女子最温柔。

(簡燕隷提供):
「月光光，照地堂﹔年卅晚，吃檳榔﹔檳榔香，娶二娘（娘讀陰平聲），二娘頭髮未曾長，留得三 ...
魯筆 發表於 2012-3-30 21:38

    我記憶中不是「食」或「吃」檳榔，是「摘」檳榔。又「安」落床頭畀老鼠拉是「掉」落床頭畀老鼠拉。

舊時媒人婆以三寸不爛之舌拂拫把大葵扇撮合男女雙方時嘅一啲經典語句。

請用順德話讀

廿畝田、
廿畝地、
...
簡燕棣 發表於 2012-4-5 00:57

(簡兄稿)                      (解語)
廿畝田、              又冇......
廿畝地、
廿畝荔枝基、
一扳高大屋、        屋簷舉手可攀
三疊到神前。        入門三步到祖先神位
(補充)
兩兄弟一隻牛        二人似隻牛
從朝到晚周圍走     到處游手好閒

再再再謝
簡兄大量提供豐富珍貴資料!!
衷心致謝!!

搒：補曠切，音（謗）。方言切音（柄）《說文》掩也。

《朱駿聲通訓定聲》掩也。斂藏之意。

又音（斑3），笞掠也，捶擊也。如：「揸碌棍，兜頭就搒落去。」